Popularne wersety biblijne z Matalikilo 17

Udostępnij

Lino Abramu naakajisi myaka iili makumi aali musanu aane amusanu aine, Jehova wakalibonya kuli-Abramu, wati, Ndime Leza Singuzuzyoo­ nse, Enda kunembo lyangu cakululama.

Lino izina lyako talikooyooambwa limbi kuti Abramu, pe, izina lyako liyooba Abrahamu, nkaambo ndikubikide kuti ube wisi wamisyobo minji.

Njootanga cizuminano cangu ayebo amulunyungu lwako luciboola mumazyalani conse, cibe cizuminano citamani, kuti mbe Leza wako a-Leza walunyungu lwako luciza.

Bona! Ndatanga cizuminano ayebo, nkabela uyooba wisi wamisyobo minji.

Pele Leza wakavuwa kuti, Pe, Sara mukaako uyookuzyalila mwana, elyo uyoomuulika izina lya-Izaka. Njootangana awe cizuminano, walo alunyungu lwakwe luciza musule lyakwe.

Alimwi njookupa, webo alunyungu lwako luciza, nyika yabutuntulisi bwako, nkokuti nyika yoonse ya-Kanana, mwiivube lyoonse, nkabela njooba Leza wabo.

Mpawo Abrahamu wakavundama ansi, waseka, waamba mumoyo wakwe kuti, Sa muntu uuli amyaka iili mwanda ulakonzya kuzyala? Alakwe Sara uuli amyaka iili makumi aali musanu aane, sa ulakonzya kuzyala?

Alimwi Leza wakaambila Abrahamu kuti, Alakwe Sarai mukaako, izina lyakwe talikooyooambwa limbi kuti ngu-Sarai, pe, izina lyakwe liyooba Sara. Nkabela njoomupa coolwe, njookupa mwana mulombe mulinguwe.

Muleelede kupalulwa mulukanda lwandomo zyanu, Eci ciyooba citondezyo cacizuminano cili akati kesu, mebo anywebo.

Pele cizuminano cangu njoocitanga a-Izaka, ngonguwe Sara ngwati kuzyalile mbuli lino mumwaka uuboola.

Mwana mulombe uuli amazuba aali musanu aatatu uleelede kupalulwa. Baalumi boonse mumazyalani aanu oonse baleelede kucitilwa obo, nibaba bazyedwe mumaanda aanu nibaba baulidwe amali kubeenzu batali balunyungu lwako. Oyo uuzyedwe muŋanda yako ayooyo uulidwe amali aako, boonse buyo baleelede kupalulwa. Aboobo cizuminano cangu cili munyama yanu ciyooba cizuminano citamani.