Popularne wersety biblijne z Yohan 16

Udostępnij

Núngmòq gi, Ngò má nguì ngón hkyô wó kó sháng gàq nghû, Ngò gi, haú hkyô pé lé taî kyô é nghut lhê. Núngmòq gi, mingkan shí má, wuîhke hkyô hui kôrâ nghut lhê; nghut kôlhang, myìt wum lhoqkíng keq. Ngò gi, mingkan lé ung pyám bê nghut lhê.” gâ ri.

Nghut kôlhang, haû tengmán é Sô jé lé é hkûn, Yhang gi, tengmán hkyô lhúnglháng lé shuî sé râ nghut lhê. Yhang gi, Yhâng myìt dông taí râ a nghut; Yhang, wó gyô yu é hkyô lé za taí luî, dùt lò râ hkyô pé lé le, núngmòq chyáng taî pyô râ nghut lhê.

Ahkuî jé shoq, núngmòq gi, Ngá myîng lé lang luî, haî le a dûng wú shi kó nghut ri. Dung keq, haú hkûn, núngmòq myang hàp yù kôrâ nghut luî, núngmòq é gabú hkyô gi, byíng jùp lò râ nghut lhê.

Nghut kôlhang, Ngò, núngmòq lé teng za taí kôlé, Ngò ló byùq é gi, núngmòq é matú je gè râ hkyô ru nghut lhê. Ngò ló byùq é za a nghut jáng, haû hpàqchyî byi Sû gi, núngmòq chyáng lé râ a nghut; Ngò ló jáng shèq, Yhang lé, Ngò, núngmòq chyáng nhang kat byi râ nghut lhê. Yhang jé lé é hkûn, Yhang gi, haû mara wó é eq séng luî le, díngmán hkyô eq séng luî le, târâ jéyáng hkyô eq séng luî le, haû mingkan lé tûn shit râ nghut lhê.

Haû eq rajung za, ahkuî gi, núngmòq iyon yôn é ahkyíng nghut ri; nghut kôlhang, Ngò, núngmòq lé dum huî é hkûn, núngmòq gi, gabú kôrâ nghut lhê; núngmòq é gabú hkyô haú lé, núngmòq chyáng mai ó yùq èq le wó yu pyám byi râ a nghut. Haú buìnyì má, núngmòq gi, Ngo lé, haî le a dung lo kôrâ nghut lhê. Ngò, núngmòq lé teng za taí kôlé, núngmòq gi, Ngá myîng lang luî, Ngá wâ chyáng haî dung kôle, Yhang byi râ nghut lhê.

Ngò, núngmòq lé teng za taí kôlé, haû mingkan gi, gabú nyi é u lé, núngmòq gi, ngau é eq iyon yôn é hui kôrâ nghut lhê. Núngmòq gi, iyon yôn é hui kôrâ nghut lhê; nghut kôlhang, núngmòq é iyon hkyô gi, gabú hkyô taû dùt râ nghut lhê.