Popularne wersety biblijne z Ehpesu 1

Udostępnij

Hau htoq agó, Yhang, núngmòq lé ji yu é myìt myòqbyù hkyô, hkâsû é nghut é lé le, Yhâng é hpungwup shingkang bo é muìzè gi, sân-yúng bâng chyáng agùn agó jòq nyi é hkyô lé le, Yhâng é kô dik é a-tsam mó gi, lùmjíng bang ngá-nhûng é matú nghut é lé le, núngmòq wó sé râ matú, núngmòq é myìt myòqjí lhoqgyeng byî é hui sháng gàq nghû, ngò kyûdung byî nyi lhê. A-tsam mó haû gi, Garai Gasang, Hkrisidùq lé shi é mai lhoqdui toq yû mù, mauhkûng htoq tsáng myhâng má, Yhâng é lòqyò hkyam shut zùng nhang é hkûn, chung é wum-o a-tsam mó eq rajung za nghut ri. Hkrisidùq gi, ùphkang é, ahkáng ayá wó é, a-tsam bo é eq ùp zô é bang bànshoq htoq má le, ahkui pyàt eq htang pyàt má myhîng é myìng lhúnglhâng é htoq má le, je gyaú é sû nghut lhê.

Hkâsu mù gâ le, ngá-nhúng gi, Garai Gasâng é hí má, chyoiyúng é bang eq mara a bo é bang dùt râ matú, Garai Gasang gi, mingkan lé a hpân shi mai, Hkrisidùq Yesuq má ngá-nhúng lé hkyin yu to bê nghut ri. Hau htoq agó, Yhang, ngá-nhúng lé chyitdàp é yánmai, Yhang myìt nguì ô nau é eq rajung za, Yesuq Hkrisidùq mai yhang zô pé kut yù râ matú, hí mai ngá-nhúng lé masàt to bê nghut ri.

Garai Gasâng é agùn agó é jeju yánmai, ngá-nhúng mara hkyut byî é hui luî, Yhang Zô é sui dông mai, ngá-nhúng gi, Yhang má hkyi yù hkyô wó yu é nghut lhê.

Mauhkûng htoq tsáng myhâng má, so é hkyô eq sêng é shimân jeju jung hkangmó lé, Hkrisidùq má ngá-nhúng lé shimân byi sû, ngá-nhûng é Yhûmsîng Yesuq Hkrisidùq é Yhâng wa, Garai Gasang gi, hkungsô wó nyî sháng gàq.