Popularne wersety biblijne z 2 Korinhtuq 4

Udostępnij

Haû mù, ngá-nhûng é myòq gi, byu-myang é lé wú tsuq nyi é a nghut é za, a byu-myang é lé shèq wú tsuq nyi é ru nghut lhê. Hkâsu mù gâ le, byu-myang é gi, razùp rahtâng zâ é nghut mù, a byu-myang é kúm gi, ahtum abyùq é nghut lhê.

Haû mù luî, ngá-mòq gi, myìt wum a gyuî é nghut lhê. Ngá-mòq é shinggan gùngdu gi, htên byòq ló nyî kôlhang, i‑myìt ûnghkaû gi, ra-nyí eq ra-nyí asik dùt nhang é huî nyi ri. Hkâsu mù gâ le, ngá-mòq é tiq é eq razùp zâ é wuîhke hkyô pé gi, ngá-mòq é matú haú pê htoq gyai hkìk é ahtum abyùq é hpungwup shingkang lé, wó yû nhang ri.

Ngá-mòq gi, wuîhke hkyo èq lhînghkyùq mai gyai yhang nhê zìk é hui kôlhang, a gyòp byùq é nghut lhê; myìt lhoqnhûng pyâm é hui kôlhang, myìt a htûm byùq é nghut lhê; zing-rî é hui kôlhang, kâng pyám huî é a nghut; bàt lhêng pyâm é hui kôlhang, htên byòq huî é a nghut.

Nghut kôlhang, ngá-mòq gi, sùtzè haû bo é tseyam pé nghut nyi lhê. Haû gi, gyaú dik é a-tsam mó gi, ngá-mòq chyáng mâ é a nghut é za Garai Gasâng chyáng mâ é nghut é hkyô lé tûn shit râ matú nghut lhê.

Haû Garai Gasâng é azòng isâm nghut sû, Hkrisidùq é hpungwup shingkang bo é gabú danglu é maubó lé, a lùmjíng bang a wó myâng kó sháng gàq ga, i-pyàt shi é garai gi, yhángmòq é myìt lé lhoqchit byi bê nghut ri.

Hkâsu mù gâ le, “Mauchut hkaû mai maubó htoq lô sháng gàq.” ga taî é Garai Gasang gi, Yesuq Hkrisidùq é myòqdong mâ é Garai Gasâng é hpungwup shingkâng é maubó lé sê gyô é u-nuq lé, ngá-nhúng lé byî é dông, Yhâng é maubó lé, ngá-nhûng é i‑myìt ûnghkaû má dùq bó nhâng bê nghut ri.