Ba u Namnamei tere Sunahan e ranga mena e Pilip me poeiena, “Alö go la hasukusuku uala tara karis balö te tataala gono memen.” Be Pilip e piata hasukusuku lala mena hengoena te rit menai a katuun teka u buku te kolotein e Aisaia a propet. Be Pilip e poeiena, “Alö e atei silem a mouna u raranga te tare mölö?”
Ba katuun teka e kato uana, “Tema hale noi lia ta katuun ta niatei, ime temar atei uagou lia?” Ba nonei poeiena tere Pilip, “Alö go seima balö te gum gono memou lia.” Be Pilip e seina me gum gono menen.