Popularne wersety biblijne z ZYAŊ 14

Udostępnij

Ǹcàri mìni fyòoog, ǹfaa mìni fyòoog wɛ̀m. Mɛ̀ ǹfaa ɓi mini nyi yɛ̀ɛ ziinɛ ì ti ì falàg. Mɛ̀rem min mɛ̀ kɛɛ̀ cɛɛcɛɛ̀rɛ̀n, nsoò lɛ mɛ yeèghyèèghkɛ̀n.

Yeesus à ɓàg nyi lɛ: Mɛ̀ yɛɛ ri bee, rì saaɗ, rì cɛɓ. Mum à yin lɛ à kpaŋ yɛ̀ɛ Tààta di à fyee ɓi a lɔ̀ŋkɛm̀.

Mɛ̀rem min mɛ̀ kɛɛ̀ ɓùùsɛn, gherɛɛna Bɛ̀ll, ɓì gherɛ̀n girig mɛ̀.

Kìɓan kifog m̀maasì mɛ̀rem ànɛ à rì Kìtɛntɛ̀ɛ̀n ki Nghay ki Tààta à ɓiì romìì ɓi ɗii ɗyɛ̀m, yɛɛ ri mìni ɓiì rèsaagh ɓiɓan ɓìcèm, à ki kì lɛ, ɓi yiti ɓìɓan ɓìcèm ɓi ǹkalìghà mìni.

Ŋwaànɛ à rì rì ɓìdɔ̀gsɛna ɓyɛm̀ à ki ɓèŋ ɓyɔ, nnyɛɛ keesii mɛ̀. Nni ŋwaànɛ à keesii mɛ̀ innɛ Seŋi wɛ̀m à ɓiì kesii, mɛ̀ ǹkeesì girig nyi, ǹki rèsɛn nyi lɛ a yi mɛ̀.

Fɔɔnnɛ m̀ɓiì ɓɔ̀ŋzii Tààta, à rom yì mìni m̀maasì mɛ̀rem adɛŋ, ànɛ à ɓa rì mìni fìɗyàɓ fikɔ̀ɔ̀. Nnyɛɛ ri Ǹghay à ɓɛ̀kɔɔ̀kɔɔ̀ ɓɛ ɓiɓan ànɛ ziinɛ ì yin lɛ ì teɗ, ɓisuulɛ ì ghɛɛ ɓi nyi, yɛ̀ kɛɛ̀ ki yi nyi. Lɔŋ mìni yɛɛ yii nyi ɓisuulɛ à rì ɓi mìni.

Fɔɔnnɛ com kìcèm ki ɓì rì ɓiì tɔɔ̀gh rì ɗii ɗyɛ̀m, ǹɗì mìni kɔ ɓiì kìi, lɛ Tààta a teɗ rìkem ɓi Man. I ɓì tɔɔgh com rì ɗii ɗyɛ̀m m̀ɓiì kìi kɔ.

I ɓì keesii mɛ̀, ɓì ɓiì ɓèŋi ɓidɔ̀gsɛna ɓyɛm̀.

Ɓìden ɓi naa ɓi ri lɛɛ̀gwey ɓi mɛɛ mɛ Seŋi wɛ̀m; i kɛ̀ kɛɛ̀ ɓa fɔlɔɔ, di ǹkalìghà mìni. Ǹkɛ̀ɛ mìni kì pègsɛɛ jàŋ.

M̀ɓiì ɓaà lɛ, i ǹkɛ̀ɛ, i m̀mɛ pègsɛn mini jàŋ, ǹsugtìì lɛ nteɗ mìni a lɔ̀ŋkɛm̀, lɛ di mìni girig, ɓi ɓa jàŋ inɛ mɛ̀ ǹɗì.

Nni Tomas à kpaaghà nyi lɛ: Kan! Tì yii ɓi jàŋ inɛ ù kɛ̀ɛ, nni lannɛ tì rì lɛ tì yi bee inɛ ì kɛ̀ɛ wɔ̀ɔ̀?