Popularne wersety biblijne z Gat ta a hat á mbàd’id’a 11

Udostępnij

Agi mba had’agizi mi grogina, agi mba dagizi zlazi woi ata yima agi mba kagagi kä avo hur aziyagina, ata yima agi mba tchologi á igi akoid’ina, ata yima agi mba burugi kä na, ata yima agi mba tchologi akulona mi.

Zla d’a an nga ni dagizi wanda, agi humugiziya, agi vagizi kurugi mi. Agi djinigizi del abogi d’igi vama taka na, agi djinigizi avorogi d’igi vama taka na mi.

Ma didina mi dala: Le agi gagi yagi kä ad’u vun man ma he ma an nga ni hagizi ini wana á lagi kan an Ma didina Alo magina á lan sunda ki hurugi pet mi ni, an mba ni sagi alona ata yamu, alo ma hod’ogeid’a kalo ma dabid’a mi. Agi mba dud’ugi awu magina ki guguzlu magid’a, agi mba yorogi mbul magina mi.

Moise mi de kua ala: Agi lagi yam Ma didina Alo magina, agi tid’igi kur lovot mamba burâ ki burâ yam zla mamba, yam gat mamba, yam vun mam ma hed’a mi.

Gola! Ini an nga ni tinigi vun ma b’ed’a ki vun ma ged’a djak avorogiya. Le agi nga tid’igi yam vun ma hed’a hi Ma didina Alo magina ma an nga ni hagizi ini wana ni, mam mba mi b’e vuna kagiya. Le agi gagi nga yagi kä ad’u vun ma hed’a hAlo maginina d’uo, le agi d’ezegi woi kur lovot mam mba an tagagizi inid’a á zlabagi kalo ma ding ma agi wum nga d’uo na ni, mam mba mi gagi vuna.

Agi mba b’irizi akulo avun bil magina ki vun agrek magina mi. Hina wani, agi ki grogina mba tagi tatâ d’igi akulod’a ti nga kaka tatâ akulo yam andagad’a na, yam andaga d’a Ma didina mi gun tam kat mabuyogi ngolo á hazizid’a.

Agi gologi tagi djivi á d’ezegi woi kur lovot ta d’ingêra á kud’urogi alo ma dingâ á grivigi kä avoromu.