Popularne wersety biblijne z Salmos 19

Udostępnij

Su'si maa sa, na kenda ndaka ja ká'an sa a, ji'in ja jani ká'vi ini anua sa a, nuu maa ni a, te kuan‑ta'vi ni, vi Su'si Iya Tátnuni, iya sa'a ja kaku sa nuu tnundo'o tnuneni ma.

Tnu'u ja káxtnu'u Iya Tátnuni ma ja ndandaa kúu, vaa ndáxsama i janitnuni ñayii ma, te ndúu i ñayii sa'a ja va'a ja ndaa. Te tnu'u ni ka'an Iya Tátnuni ma chi sukan sa'a ya, vaa ñayii ñatuu jaku'ni‑ka ini i ma chi kuu jaku'ni ini i.

Andivi ma ka kuu ja ka ndakaxtnu'u jayiñu'u Su'si ma, vaa vivii ni sa'a ya ji'in nda'a ya ma, te ka nukuiñi va'a i.

Tnu'u tátnuni Iya Tátnuni ma chi tnu'u ndandaa kúu, vaa sa'a i ja koo sii ini ini anua ñayii ma. Tnu'u tátnuni Iya Tátnuni ma chi tnu'u nanimaa kúu, vaa ndáxtnuu i nuu ñayii ma sukan‑va'a ma skenaa i maa i.

Ja koyu'u o Iya Tátnuni ma te masu ko sa'a o ni‑in ja u'vi ma chi vivii kúu, te ni‑kani ni‑jika sukan jín ko sa'a o. Ja ndákan Su'si ma kuenda nuu ñayii ma chi ja ndaa ndija kúu, vaa sa'a ndaa ya nawa ni ka sa'a, ni ka kuu ñayii ma.