Popularne wersety biblijne z Yoohanee 12

Udostępnij

Innee Kirisa maqannaasa qimannimia. Yafasiqa anaasee fee qini ainainira faiqikiraree qimaseenoo aufadeemarifa mifa narí maaqoo marirana quqasee qini faqa finafa qinee fuannannai mifa faqa miqoo oonu marida qini dadaaqiannoo. Yafasiqa anaasee fee qini duqu uqeeraannoo mina auqu faqa qini qikoofa uqeeraannoo.

Yafasiqa anaasee fee maaqoo narí mariranara rimarifa nandi asumuara foora sia kafaa kambiqaannoo mifa narí marirana kukupaannoo. Yafasiqa anaasee fee maaqoo maa maqanasaa narí mariranara akooqainafa maqaki ummaqusainanoo narí marirana afeediiseenoo naaru marirana maraannoo.

Qinee anoona ufa inni qimannimidaqa. Nandi asumu naríara kaqi maridanoo aaduma maridanoo. (Yisufa narí kuqiranara qidanoo nandi asumu kikiqa usinau.) Mifa maqaki ummaqusaifanoo putaa inanoo moomoo kambiqaannoo sia nariraa mariannoo.

Qinee kaaqa qarausa maa maqa maaqanaki animaridaqa. Qiniki mariasa sia asukunaki mariaqeera animaridaqa.

Yafee moo fannoo qini ufa irisee sia auqainnana sia qinee qeeqa ufa amianaura. Sia qinee doori runira ufa nimiraree qimasee qumuafanausa maridaqa. Qinee faiqí anaasee Anutuna nifairiranakinaana qumarasee asumu marirana nimianeera qumuafanausa maridaqa.

Neemarufanoo Rasarusana asookifa Mariafa Yisuna anoona amarafa fadameena taqu firaana firaa feefauru aqusaida mareemaruna qumareenoo amiqira afundimaru fadameena mina auqu narada fadameena Yisuna aikumau adia amaqanau. Adia amaqaseenoo narí akiaqa asausi kisaaqa qumareenoo minannai utitiqanau. Miqimasoofanoo afunda firaafa misa maru maqanaki qumbiqanau.

Ooqu afiqarara ooqu fidaqa koopeena amanee fooqaana moomoo ateekamaree ooqu fiqau. (Misa nariqa qimiriqa Yisunara maaqi qiqau. Ooqai Anutuna asauku mundirafa kambiqanoo marifa uridanoo. Mifa maasa qiqa karaambaiqaikirara uridanoo.) Misa ooqu fidaqa maaqi qimasee firaa kari faaqariqau. Anutuna amooqia mina auqu uqeeraa. Anutufa qufanoo kambiqarafa uridanoo, Anutufa mina amiqi amiqiani, Anutufa Isaraee maqannaa Karaambaiqa amiqi amiqiani.

Yisufa misara iriseenoo qimanniminoo qinau. Anutufa faiqí nimaaku qini duqu firaaqoo uqeerara aukuana doo animaridanoo. Sia maa maqee imariasa imariandeefau maseenoofau qini duqu uqeeraannoofau. Qini firaa aupurara kuqiranannai qini duqu uqeerainanoo areenaannoo.