Popularne wersety biblijne z Jozuwée 7

Udostępnij

Hwɛ wɛ Izlayɛ́li ví lɛ́ɛ hu. Yě nɔ gbejí nú akɔ e un jɛ xá yě ɔ́ ǎ. Yě bɛ́ dɔkun e un gbɛ́ nú yě ɖɔ yě ní má bɛ́ ɖo to ɔ́ mɛ ó lɛ́ɛ. Yě fin dɔkun lɛ́ɛ bó bɛ́ hwlá dó nǔ yětɔn lɛ́ɛ mɛ.

Din ɔ́, yi ɖɔ nú togun ɔ́ ɖɔ é ní sɔ́ nǔ, bó wá kpé mì. Đe gbe n'i bónú é ní slá wǔ nú sɔ, ɖó nyɛ Mawu Mavɔmavɔ, Mawu Izlayɛ́li tɔn ɔ́, nǔ e ɖɔ nú Izlayɛ́li ví lɛ́ɛ wɛ un ɖe ɔ́ ɖíe: Dɔkun e un gbɛ́ ɖɔ mi ní ma bɛ́ ó lɛ́ɛ ɔ́, nǔ lɛ́ɛ ɖo así mitɔn. Ényí mi ma bɛ́ yě tɔ́n sín tɛ́ntin mitɔn ǎ ɔ́, mi ná sixú nɔ te ɖo kɛntɔ́ mitɔn lɛ́ɛ nukɔn ǎ.

Ée yě wa nǔ gbɔn mɔ̌ ɔ́, yě sɔ́ sixú nɔ te ɖo kɛntɔ́ yětɔn lɛ́ɛ nukɔn ǎ. Hɔn jɛ́n wɛ yě ná nɔ́ hɔn ɖo kɛntɔ́ nukɔn, ɖó yě ɖésúnɔ ɔ́, nǔ dindɔn wɛ yě kó nyí; è nǎ sú kún yětɔn dó. Mi Izlayɛ́li ví lɛ́ɛ ɔ́, dɔkun e un gbɛ́ ɖɔ mi ma bɛ́ ó bɔ mi bɛ́ lɛ́ɛ ɔ́, ényí mi ma hɛn gblé ǎ ɔ́, un sɔ́ sixú nɔ jǐ mitɔn ǎ.