Popularne wersety biblijne z Jozuwée 1

Udostępnij

Un ɖɔ nú we ɖɔ hwi ní kpan akɔ́n bó dó gǎn, ma wɔn ó. Ma ɖi xɛsi ó, ma lɔn nú awakanmɛ ní kú we ó, ɖó nyɛ Mawu Mavɔmavɔ, Mawu towe ɔ́, un ɖo kpɔ́ xá we ɖo fí e a nǎ gbɔn lɛ́ɛ bǐ.”

Ma nɔ gɔn sɛ́nwéma élɔ́ xa gbeɖé ó. Nɔ lin tamɛ d'é wú zǎn kpó kéze kpó, bó nɔ́ bló nǔ e è ɖɔ d'é mɛ ɔ́ bǐ ɖ'é jí. Énɛ́ ɔ́, a sɔ́ nǔɖé bó ná wa ɔ́, a nǎ mɔ nu tɔn. Lě e nǔ ná nyɔ́ nú we gbɔn ɔ́ nɛ́.

Vɛ̌ ko kpan akɔ́n bó dó gǎn kpowun bo bló nǔ e mɛsɛntɔ́ ce Mɔyízi ɖɔ nú we ɔ́ bǐ, ma yi ɖisí ó, ma yi amyɔ ó. Nú a blǒ gbɔn mɔ̌ ɔ́, a sɔ́ nǔɖé bó ná wa ɔ́, a nǎ mɔ nu tɔn.

Đo gbɛzán towe bǐ mɛ ɔ́, mɛ ɖěbǔ ná sixú nɔ te nukɔn towe ǎ, ɖó un ɖo kpɔ́ xá we lě e un nɔ kpɔ́ xá Mɔyízi gbɔn é. Un ná ɖe kɔ sín wǔtu towe gbeɖé ǎ, un ka ná jó we dó gbeɖé ǎ.

Kpan akɔ́n bó dó gǎn, ɖó to e sín akpá un dó nú tɔ́gbó mitɔn lɛ́ɛ ɔ́, hwi wɛ ná kplá Izlayɛ́li ví lɛ́ɛ, bɔ yě ná yí.

Mi tɛ afɔ fí ɖěbǔ ɔ́, un ná ná fí ɔ́ mi, lě e un ko ɖɔ gbɔn nú Mɔyízi é.

“Mɛsɛntɔ́ ce Mɔyízi kú. Din ɔ́, hwi wɛ ná kplá togun ɔ́ bǐ, bɔ hwi kpó yě kpó ná dó asá Judɛ́ɛn tɔ ɔ́, bó ná yi to e un ná yě ɔ́ mɛ.

Mɛsɛntɔ́ Mawu Mavɔmavɔ tɔn Mɔyízi kú. Ée é kú ɔ́, Mawu Mavɔmavɔ ɖɔ nú Jozuwée Nuni ví e nɔ dó alɔ Mɔyízi ɔ́ ɖɔ

Ayǐkúngban mitɔn ná gosín gbětótló ɔ́ mɛ, ɖo tofɔligbé káká yi Libáan sókan ɔ́ mɛ ɖo totaligbé, bó ná lɛ́ gosín tɔ ɖaxó e è nɔ ylɔ́ ɖɔ Efláti ɔ́ kɔn, ɖo zǎnzǎnhwe jí, bó ná gbɔn Hitíti lɛ́ɛ sín to mɛ káká yi Mɛditɛlanɛ́ɛ xu ɔ́ tó, ɖo gbadahwe jí.

Mɛ ɖěbǔ fɔ́n gǔ dó jǐ towe bó ná gbɛ́ gbe nú we ɔ́, è nǎ hu i. Nǔ e nyí towe kpowun ɔ́ wɛ nyí ɖɔ a nǐ kpan akɔ́n bó dó gǎn.”

yě ní gbɔn mɛ lɛ́ɛ bǐ jí, bó ɖɔ nú yě ɖɔ: “Azǎn atɔn gbe ɔ́, mǐ ná dó asá Judɛ́ɛn tɔ ɔ́, bó ná yí to e Mawu Mavɔmavɔ, Mawu mǐtɔn ná mǐ é. Mi bo jɛ nǔ e mi ná ɖu ɔ́ sín agban dó jí.”