Popularne wersety biblijne z Bǐbɛ́mɛ 41

Udostępnij

Jozɛ́fu ka yí gbe n'i ɖɔ: “Nyɛ wɛ ǎ; gbeɖé kpɔ́n! Mawu wɛ ná ná tínmɛ tɔn nǔgbó ɔ́ we.”

Énɛ́ ɔ́, axɔ́sú ɔ́ ɖɔ nú gǎn hɔn-yitɔ́ tɔn lɛ́ɛ ɖɔ: “Nya élɔ́ ɔ́, Yɛ Mawu tɔn ɖo jǐ tɔn. Mǐ ná sixú mɔ étɔn ɖɔhun a?”

É ká ɖɔ nú Jozɛ́fu ɖɔ: “Ée é nyí hwi wɛ Mawu zé nǔ énɛ́ lɛ́ɛ bǐ xlɛ́ din é ɔ́, mǐ sɔ́ sixú mɔ mɛɖé bɔ é ná bí ganjí, bó ɖó nǔnywɛ́ hwi ɖɔhun ǎ. Hǔn hwi wɛ un ná sɔ́ gǎn ɖó axɔ́súɖuto ce nu, bɔ toví ce lɛ́ɛ bǐ ná se tónú nú we. Axɔ́súzinkpo e jí un ɖe ɔ́ kɛ́ɖɛ́ wɛ ná zɔ́n bɔ un ná ɖó acɛ hú we.

É sun nyǐ vǐ wegɔ́ ɔ́ ɖɔ Eflayímu bó ɖɔ: “Mawu bló bɔ un ji vǐ ɖo to e mɛ è ko dó ya nú mì ɖe ɔ́ mɛ.”

Jozɛ́fu sun nyǐ nukɔngbéví ɔ́ ɖɔ Manasée bó ɖɔ: “Mawu bló bɔ un wɔn ya e un ji lɛ́ɛ bǐ, bó wɔn ɖɔ un ɖo zɔ nú mɛ ce lɛ́ɛ.”