Popularne wersety biblijne z Tíntɔ́n 31

Udostępnij

“Đǒtó! Un sɔ́ Besalɛli Wulíi vǐ, Húu vǐvú ɔ́; akɔta Judáa tɔn ɔ́ mɛ wɛ é jɔ ɖe; un ná ɛ Yɛ ce bɔ é gɔ́ ayi tɔn mɛ, bɔ é bí, bó mɔ nukúnnú jɛ nǔ mɛ titewungbe. É tunwun azɔ̌ xwítíxwítí alɔkpa bǐ. É nyɔ́ tito lɛ́ɛ bló; é nyɔ́ siká sín azɔ̌ wa, bó nyɔ́ kpatágan kpó ganvɔ kpó sín azɔ̌ wa. É nyɔ́ awǐnnya ɖagbe ɖagbe lɛ́ɛ kpa, bó nyɔ́ to dó nǔ mɛ; é nyɔ́ atín kpa; mǐ ná ɖɔ kpowun ɔ́, é nyɔ́ nǔ bǐ wa.

“Đɔ nú Izlayɛ́li ví lɛ́ɛ ɖɔ yě ní ma gɔn gbɔjɛzán ce nyí gbeɖé ó: azǎn ɖé wɛ é nyí bɔ un sɔ́ ɖó vo; ɖó wuntun ɖé wɛ é ná nyí ɖo nyɛ kpó mi kpódó kúnkan mitɔn lɛ́ɛ kpó tɛ́ntin, bɔ è ná dó tunwun ɖɔ nyɛ Mawu Mavɔmavɔ ɔ́ wɛ sɔ́ mi bɔ mi ná nyí togun ce.

Azǎn énɛ́ ɔ́ ɖó ná nyí kɔnɖókpɔ́ e ɖo nyɛ kpódó Izlayɛ́li ví lɛ́ɛ kpó tɛ́ntin ɔ́ sín xlɛ̌ káká sɔ́yi. Đó azǎn ayizɛ́n wɛ un sɔ́ ɖó te dó bló jǐnukúnsin kpódó ayǐkúngban kpó; amɔ̌, azǎn tɛ́nwegɔ́ ɔ́ gbe ɔ́, un ɖó azɔ̌ te bo gbɔjɛ́.”