Popularne wersety biblijne z Tíntɔ́n 10

Udostępnij

Mawu Mavɔmavɔ ɖɔ nú Mɔyízi ɖɔ: “Yi axɔ́sú ɔ́ gɔ́n. Nyɛ wɛ zɔ́n bɔ é kpó gǎn hɔn-yitɔ́ tɔn lɛ́ɛ kpó ɖo tó tlí wɛ, bónú má jlɛ́ nǔdábaɖa énɛ́ lɛ́ɛ ɖo tɛ́ntin yětɔn. Énɛ́ ɔ́, a nǎ sixú ɖɔ lě e un wa Ejípunu lɛ́ɛ sín nǔ gbɔn ɔ́ kpódó nǔdábaɖa e un jlɛ́ ɖo tɛ́ntin yětɔn lɛ́ɛ kpó sín xó nú vǐ towe lɛ́ɛ kpó vǐvú towe lɛ́ɛ kpó. Énɛ́ ɔ́, mi ná tunwun ɖɔ nyɛ wɛ nyí Mawu Mavɔmavɔ.”

Mawu Mavɔmavɔ ɖɔ nú Mɔyízi ɖɔ: “Dlɛ̌n alɔ towe dó jǐnukúnsin, bónú ablu ní dó ɖo Ejípu to ɔ́ mɛ; ablu ɔ́ ní dó káká bó cí è hɛn ɔ́, è nǎ ɖó alɔ wú ɖɔhun.” Bɔ Mɔyízi dlɛ́n alɔ tɔn dó jǐnukúnsin, bɔ ablu gɔngɔn ɖé dó ɖo Ejípu to ɔ́ bǐ mɛ xɔ azǎn atɔn. È nɔ sixú mɔ mɛɖée ǎ; énɛ́ ɔ́, mɛ ɖěbǔ sɛ tɛn sín fí e é ɖe ɔ́ ǎ káká nú azǎn atɔn. Wěziza ká ɖo fí e Izlayɛ́li ví lɛ́ɛ nɔ́ nɔ lɛ́ɛ bǐ.

Mɔyízi ka dlɛ́n kpo tɔn dó Ejípu to ɔ́ jí, bɔ Mawu Mavɔmavɔ ɖɔ bɔ jɔhɔn ɖé nyi sín zǎnzǎnhwe jí dó to ɔ́ jí bó nyi káká bɔ zǎn kú, bɔ ayǐ hɔ́n. Ée é wá jɛ zǎnzǎn ɔ́, jɔhɔn énɛ́ e ɖo nyinyi wɛ ɔ́ dɔn wɛn lɛ́ɛ wá. Wɛn lɛ́ɛ vun blá Ejípu to ɔ́, bó ɖó gbɔn ayǐkúngban ɔ́ bǐ jí. Yě sukpɔ́ káká bɔ è ko mɔ mɔ̌hunkɔtɔn kpɔ́n gbeɖé ǎ, è ka ná lɛ́ mɔ mɔ̌ kpɔ́n gbeɖé ǎ.