Popularne wersety biblijne z Rome 6

Udostępnij

Hołı̨ı̨ hots'ehtsı̨ k'èxa ełaàts'ede hǫt'e. Hanìkò gots'ǫ̀ K'àowo Zezì-Krı wet'ǫ̀ǫ̀ Nǫ̀htsı̨ welǫ whìle ts'ǫ̀ ts'eedaà agǫ̀ǫ̀là hǫt'e.

K'achı̨ hołı̨ı̨ naxıts'ǫ̀ k'àhowo welè-le, Moses wenàowoò tł'a dahkw'e nıìle t'à, hanìkò Nǫ̀htsı̨ wesǫnıwǫ tł'a dahkw'e hǫt'e.

Gok'ètaìdzǫ ekò wexè ełaàts'ı̨ı̨dè lats'ejà ı̨lè eyıts'ǫ wexè gokw'ǫǫ̀ nìtǫǫ̀ lats'ejà ı̨lè. Hanìkò Nǫ̀htsı̨-Gotà enıìyah hǫt'e sìı Zezì-Krı naìdà ayį̀į̀là hǫt'e, eyıts'ǫ goxı̨ sı eładı̨ k'ę̀ę̀ ts'eeda ats'ede ha.

Naxızhį̀į̀ wı̨ı̨zìı t'à hołı̨ı̨ hoahtsı̨-le, wet'à hołı̨ı̨ k'ę̀ę̀ k'ehoahɂa-le. Hanìkò dǫ ełaı̨dèe gots'ǫ naìdà laaht'e lanì naxızhį̀į̀ hazǫǫ̀ t'à Nǫ̀htsı̨ ghàdeahtè, eyıts'ǫ naxızhį̀į̀ t'à Nǫ̀htsı̨ gha ehkw'ı eghàlaahda.

Įnę̀ę dǫ dàhòt'ı̨ı̨ ts'ı̨ı̨lèe sìı Zezì-Krı xè dechı̨et'aa k'e wedıìtsò hǫt'e. Hanì-ı̨dè gonìłı̨ı̨ sìı wedıhołè adle ha, eyıts'ǫ hołı̨ı̨ gots'ǫ̀ k'àhowo ha-le.

Eyı xèht'eè naxı̨ sı hołı̨ı̨ ts'ǫ̀ ełaahde k'ę̀ę̀ ededaànıahdè. Hanìkò Zezì-Krı wet'ǫ̀ǫ̀ Nǫ̀htsı̨ gha aahda k'ę̀ę̀ ededaànıahdè.

Hanì hòɂǫ nı̨dè dàts'edı welì? Nǫ̀htsı̨ deɂǫ̀ǫ̀ gots'ǫ̀ sǫnıwǫ t'à k'èdaà hołı̨ı̨ hots'ehtsı̨ ha nì? Hanì ha honàedı nıìle! Goxı̨ hołı̨ı̨ hots'ehtsı̨ ts'ǫ̀ ełaàts'ı̨ı̨dè gha goıtà hǫt'e. Eyıt'à dànì k'èdaà hołı̨ı̨ hots'ehtsı̨ welì?

Dǫ naxıts'ǫ̀ k'àhowo ha weghàdèahtè nı̨dè wek'èaht'e ha hǫt'e, wek'èhoahsǫ-le nì? Hołı̨ı̨ dahwhǫǫ sìı naxıts'ǫ̀ k'àhowo nı̨dè wet'à ełaahde ha. Hanìkò Nǫ̀htsı̨ k'èaht'e nı̨dè wet'à ehkw'ı aahda ha hǫt'e.

Hołı̨ı̨ naxınì ts'ǫ̀ k'àhowo k'ę̀ę̀ zǫ eghàlaahda ı̨lè, hanìkò godı nezı̨ı̨ hoghànaxeètǫ ekò hotıì naxıdzeè t'à wek'èaht'e dahwhǫǫ̀ aahjà, eyı gha Nǫ̀htsı̨ masì wets'ı̨ı̨hwhǫ hǫt'e. Hołı̨ı̨ naxıts'ǫ̀ k'àowo-le anaxììdlà; naxınì hołı̨ı̨ nıwǫǫ sìı wek'èaht'e ha naxıdaèt'è-le ajà. Ehkw'ı ts'eedaa nàowo sìı naxıts'ǫ̀ k'àowo ajà.