Popularne wersety biblijne z Rome 15

Udostępnij

Nǫ̀htsı̨ edaxàgolee sìı sıì naxınà eyıts'ǫ naxıxè sìghà hòɂǫ ayııle. Nǫ̀htsı̨ naxıgha ehkw'ı adı welè, hanì-ı̨dè Yedàyeh Nezı̨ı̨ wedahxà naxınì deɂǫ̀ǫ̀ nàtsoò ade ha hǫt'e.

Įnę̀ę whaà Nǫ̀htsı̨ Nı̨htł'è k'e t'asìı hazǫǫ̀ dek'eèhtł'èe sìı wet'à hoghàgoetǫ gha adlà hǫt'e. Ayìı dek'eèhtł'èe sìı wek'eyats'ehtı nı̨dè wet'à goınì nàtsoò ade ha hǫt'e eyıts'ǫ edaxàts'eedè ha.

Zezì-Krı wek'ę̀ę̀ aahda t'à, Nǫ̀htsı̨ naxınì nàtsoo xè naxıdzeè nàtsoò ayehɂı̨ı̨ sìı naxınì ı̨łè zǫ layııle. Hanì-ı̨dè naxıdzeè ı̨łè t'à, eyıts'ǫ naxıwà ı̨łè t'à Nǫ̀htsı̨, Zezì-Krı Wetà, weghàsǫahdı ha welì.

Dànì Zezì-Krı dǫ naxı̨ı̨hwhǫ k'ę̀ę̀ dǫ ełeahwhǫ, hanì-ı̨dè Nǫ̀htsı̨ weghàsǫedıì aweahɂı̨ hǫt'e.

Gòet'ı̨ ayìı gıgha sìghà sìı k'ę̀ę̀ eghàlats'eeda xè gınà agets'ele ha hǫt'e, hanì-ı̨dè gınì nàtsoò agets'ele ha.