Popularne wersety biblijne z Zezì Wecheekeèdeè 16

Udostępnij

Gıts'ǫ̀ hadı, “Zezì gots'ǫ̀ K'àowo ehkw'ı adı neewǫ nı̨dè edaxàneetè ha, eyıts'ǫ nèot'ı̨ nexè nàgedèe sı edaxàgeedè ha,” gıìhdı.

Totanı ekìıyeè k'e Paul eyıts'ǫ Sılas yagehtı xè Nǫ̀htsı̨ ts'ǫ̀ gejı̨, dǫ eyıì-le gıdanìı̨laa sìı gogeèhkw'ǫ. Hǫtsaa dèè hòtł'ò nàgoèhdǫ t'à yìetł'aà hazǫǫ̀ nàedaà ajà. Ekòet'ıì enìı̨tǫ hazǫǫ̀ ehghàà enìxànııtł'ı, eyıts'ǫ dǫ hazǫǫ̀ satsǫ̀tł'ıì gık'e whelaa sìı nàı̨tł'ı.

Xàgoèwa tł'axǫǫ̀ dagoehke hadı, “K'àowo, edaxàseetè gha ayìı dàhłe ha?” gòhdı.

Dǫ-danìı̨laa-k'èdìı-dǫǫ̀ ts'ı̨ı̨wo. Dǫ-danìı̨laa-kǫ̀ enìı̨tǫ hazǫǫ̀ enìxàı̨la yaɂı̨ ekò behcho edets'ǫ̀ xàechì, dǫ hazǫǫ̀ xàtı̨mǫgeède sǫnı nıwǫ t'à ełaàdìwı ha k'ehoɂa. Hanìkò Paul yets'ǫ̀ whezeh, hadı, “T'asadı̨ı̨le-le, hazǫǫ̀ jǫ ts'eèhkw'e hǫt'e,” yèhdı.