Popularne wersety biblijne z San Lucas 1

Udostępnij

Xheti te cos ni naganduxhtej nez loj Dios ―räjp Xangl Dios.

Dxejcti räjp Marii: ―Narä nacä xmos Xtadnu Dios; mbaj, sugunnäj Dios narä si'ctisni gunii gueblu loä. Dxejcti biunejz angl xten Dios lojni, sä'tini.

Badzu' xangl Dios diidxre lojni, räjpni: ―Sprit Dxan xten Dios siääd lojlu, xcäḻrnibee Gueb Dios ni yu' xhaguibaa suhuajcwni luj si'c te za. Ni'cni bäz ni gaal sajcni te beṉdxan, sibälaj bejṉni Xi'n Dios.

Sibaa lajzlu, luj ni huililajz sisiojbpac nani gunii Xtadnu Dios.

Bacuadiajg diidx. Suulu bäz, su' te xi'nlu. Che gaalni guirilajni Jesús. Laani sajcni te bejṉ ni sacduxh. Sirilajzani Xi'n Gueb Dios ni yu' xhaguibaro. Gueb Dios sujn gacni ṟeii sigajc ni gujc toxtadgoldooni David, te tejpas guinibeeni loj rexi'n Israel, luxh dipac xcäḻrnibeeni nitloj.

Dxejc räjp xangl Dios lojni: ―Na'c guidxejblu, Marii; agule Dios luj.