Popularne wersety biblijne z SANTIAGO 5

Udostępnij

Jaꞌ yuꞌun jamal xavalbe abaic li bu layalic ta mulile, cꞌoponbe abaic Dios ta atojolic, jech chatuqꞌuibic o. Li buchꞌutic tucꞌ yoꞌonic ti tstaic ta naꞌel li Diose, chtacꞌbatic yuꞌun li Diose li cꞌusi chalique, jaꞌ yuꞌun chcꞌot ta pasel yuꞌunic li cꞌusi vocol ta pasele.

Mi oy avocolique, taic ta naꞌel li Diose. Mi xamuybajic noꞌoxe, qꞌueojinanic ta stojol li Diose.

Li buchꞌu ta scꞌoponbe Dios ta stojol li jchamelajele, mi schꞌunoj ti jaꞌ chcoltavan stuc li Cajvaltique, jaꞌ ta xcol o li jchamelajele. Yuꞌun jaꞌ chcoltavan stuc li Cajvaltique. Mi staoj smul li buchꞌu icole, ta spasbat perton nojtoc.

Mi oy buchꞌu ipe, acꞌo yicꞌ talel li banquilaletic li te ta achꞌulnaique, acꞌo jaxbatuc asete ta sventa li Cajvaltique, acꞌo cꞌoponbatuc Dios ta stojol.

Quermanotac, mi oy buchꞌu ichibaj yoꞌon ta yichꞌel ta mucꞌ li Cajvaltique, mi joꞌot chba achaꞌalbe scꞌop Dios ti jech ta schaꞌichꞌ ta mucꞌ li Cajvaltique, naꞌo me ti joꞌot ta aventa ti jaꞌ laj yicta o li cꞌustic chopol tspase, jaꞌ yuꞌun mu chꞌayeluc chbat o. Yuꞌun ipasbat perton yuꞌun Dios li smultac staoje.