Popularne wersety biblijne z SALMOS 34

Udostępnij

Gawze zoa X̱anžo Dios gan zej nnita' benne' ka', benne' žak nyache' ḻáže'gake', na' žeslé' ḻégake'.

Bḻiža' X̱anžo Dios, na' Ḻe' benle' chia', na' beslé' neda' ḻo yógo'te da' bchébegaken neda'.

Da' zanḻe'e da' ẕzaka' benne' chawe', san žeslá X̱anžo Dios ḻe' ḻo yógo'te da' ka'.

Le wia nga, na' ḻé'elele nak chawe' X̱anžo Dios. Yeḻa' ba nez ẕen naken che bennen' žx̱en ḻaže'e Ḻe'.

Benne' ka' bx̱en ḻáže'gake' Ḻe' bḻé'egekle' yeḻa' ẕen chie', na' bi bedoé'egekle'.

Benne' chawe' ka' žḻížgake' X̱anžo Dios, na' Ḻe' ženle' chégake', na' žeslé' ḻégake' ḻo yógo'te da' ẕzáka'gake'.

Wbás ka' che ya'abá che X̱anžon' zej zoe' kwit benne' ka' ẕžébegake' Ḻe', na' žape chí'igake' ḻégake'.

Bzoa cheḻa'ale da' bi nak chawe' da' ẕchaḻjo', na' ben da' nak chawe'. Ben byene so' ḻo yeḻa' ẕga'n chawe', na' ben ka nak chen.

Bwíakze da' ẕchaḻjo' nich bi nnio' da' ẕinnj, na' nich bi wchaḻjo' da' wen laže'.

Ẕwíakze X̱anžo Dios benne' ka' zej nake' chawe', na' ẕze nage' da' ẕnnábgekle' Ḻe'.

Le wká'n ẕen X̱anžo Dios tẕen ḻen neda', na' tẕen we ḻawžo La la'y chie'.