Popularne wersety biblijne z Coriinto Nenacaauru Rai Leinjiin 2

Udostępnij

Nete Quiricha Inoaensi cuhane: “Cana Coaunerate belaichaauru rai, chabana coaanojoinelanaala nenaa aonanojoinelanaala nenaa, naaonjoainuri ichaain acaauru que banihateein rucujue. Niheichu chuni, ‘Naaonjoanrichaain’, naain que coaaura”, naain beratihalune nainaane coina ichae Cana Coaunera.

Nitohanihane jaunte, Cana Coaunera Suujue raenihane coina ichaonaa, nii Cana Coaunera Suujue jerenohi coitucuhin tonorana nainene, nii chaque nelatihei rijijieein aonaane jaun. Niheichu aonaane niha natiin coitucunaa nainihei, Cana Coaunera Suujue sirinihane jaun.

Nii niicha ichaneni, niicha coacuilute cana que coitucuerate, rai Suujue aina cuaain Cana Coaunera. Nii Cana Coaunera Suujuete, satiin niicha ichaneni coitucue, satiin suujua cuhane niicha coacuine maajeein.

Coatiha canacaanu, caa Cana Coaunera coitucuelanaala nenacaauru cachaauru rijijiein Moconajaaera suuje rahaacaanu. Acaihaniji Cana Coaunera Suujuane raacaanu, aina cuaain jataain cana belaitohane jaun, cana rai niicha tei coitucunojoi aonaain coitucuhin nihacachene coina.

Niheichu Cana Coaunera jerenohin que inara relaanune bana coatiha canu esenetaaichene jerenacaaun nii aitocuruha nii itolere coitucuurerane rijitiin ereein inara relahaaunlu. Nena rai Suujue aina itolere ichana nainiha Cana Coaunerane jaan aina cuaain inara que jereratichaaune jaun nii aina esenetaaichelu. Leinjiin Cana Coauneraacha ichanenu esenetaain que jaaecohichene coinane, nitohaneein inara relanajacoon, nabana suujua caje rocohin cachaauruhacha coitucunojoi que jaaecohichene coataa.