Popularne wersety biblijne z Xhun 10

Udostępnij

Ech koj u elq'ome', tan aal kuxh la ul telq'a unq'a kaneero'e'. As la iyatz'e'. As la isotzsa ivatz unq'a kaneero'e'. Pet ech koj in, tan kat ul in ti' vaq'at itiichajil unq'a uxhchile' uva' eche' unq'a kaneero'e'. As at itiichajil unq'a uxhchile' uve' ye'l iya'teb'al.

As ine' u b'a'nla xeen kaneero'e' tan la vaq' vib' kamoj ti' unq'a unkaneero'e'.

Pet ech koj vunkaneero'e', tan ni tab'i txoo tuul unvi'. As ootzimal txoo sva'n. As nixekeb' txoo svi'.

As ni vaq' itiichajil uva' ye'l iya'teb'al. As eche' jatu koj la sotz ivatz txoo. As ye'xheb'il la eesan txoo tunq'ab'

As ine' u tzi' ipe' unq'a kaneero'e'. As jank'al unq'a kaneero'e' uva' in la eq'on ok tzan as kolel ve'te' sva'n. As la oki. As la eli. As b'a'nla chaj k'uach la techb'u txoo.

Pet ine' u b'a'nla xeen txoo. As ootzimal vunkaneero'e' sva'n. As ootzimal in ta'n vunkaneero'e' unpajte.

tan a' vunB'aale' kat aq'on sve. As Aake' uva' nim talchu ti' unq'a vee' skajayil. Esti'e' uva' ye'xheb'il la oleb' ti' teesal tiq'ab' Aak. As vatzul kuxh in tuk' vunB'aale',— ti'k u Jesús.

As echat kuxh in tuk' vunB'aale', tan ootzimal in ta'n Aak. As ootzimal Aak sva'n. As ine' u b'a'nla xeen txoo, tan la vaq' vib' kamoj ti' vunkaneero'e'.

As ye'xheb'il la maon sve as echene' vitiichajile' tunq'ab'. La uchi uva' la vaq' itiichajil as moj la veesa tan ye'xhib'il la eesan tunq'ab' tan a' vunb'aale' aq'ol tetz sve,— ti'k u Jesús.

As ech tal ve't u Jesús ile': —Ile' jik chit tuk val sete, tan ine' u tzi' pe'e' uve' ni tokkat unq'a kaneero'e'.

Pet ech koj u uxhchile' uva' chooel ti' ixeep unq'a kaneero'e', tan a' kuxh vija'mile' ni titz'a, tan jit tetz unq'a kaneero'e'. As tul la til u uxhchile' tul umaj xo', as la ooj ve'te'. As la kuxh taq' ve't kan u uxhchile' unq'a kaneero'e' sijunal vatz u xo'e'. As tul la itxey ve't u xo'e' umaj u kaneero'e', as la ipaxi ve't tib' unq'a kaneero'e' skajayil.

As ech tal ve't u Jesús ile': —As jik chit tuk vale', tan ab'il uva' jit'e'ch tok tzi' ipe' unq'a kaneero'e' asoj ech tok vi' u pe'e', as a'e' u elq'ome'.