Popularne wersety biblijne z Mga Taga-Colosas 1

Udostępnij

Kay giluwas kita niya gikan sa gahom sa kangitngit ug gidala ngadto sa gingharian sa iyang hinigugmang Anak

Kay pinaagi kaniya gibuhat sa Dios ang tanan nga atua sa langit ug ania sa yuta, makita ug dili makita—mga gahom nga espirituhanon, mga pamunoan, mga hari ug ang tanan nga nagmando. Gibuhat sa Dios ang tanan pinaagi kaniya ug alang kaniya.

Diha na siya sa wala pa buhata ang tanang butang ug diha kaniya ang tanan nahugpong.

Si Cristo mao ang makita nga dagway sa dili makita nga Dios. Siya ang kamagulangang Anak ug labaw sa tanang binuhat.

Nag-ampo gayod kami kanunay alang kaninyo sukad sa pagkasayod namo niini. Gipangayo namo sa Dios nga masayod unta kamo sa iyang kabubut-on uban sa tanang kaalam ug kahibalo nga gihatag sa iyang Espiritu aron makahimo kamo pagkinabuhi sumala sa kabubut-on sa Ginoo ug makabuhat kanunay sa mga butang nga makapahimuot kaniya. Magmabungahon ang inyong kinabuhi sa tanang mga maayong buhat ug magdugang ang inyong kahibalo mahitungod sa Dios.