Popularne wersety biblijne z Hch 5

Udostępnij

Xi'tzun ktzaq'we'n Luch kyuk'i'l txqantl apostl kjalu: —A qejuye' tu'n qb'inchante tu'n t-xiqb'i'ne' Dyos ex myaye' xjal.

Intoq che q'on xnaq'tzb'il tkyaqil q'ij ex intoq xikyma'n tpakb'al b'a'n ti'j Jesus ju' Krist, toj tja Dyos ex kyoj ja.

Xi'tzun tma'n Luch te: —Ananiy, ¿tiqu'n xa'tq'o'na anb'il te tajaw il tu'n tchan yola te Xewb'aj Xjan, ex makyej tiq'i'na jni' ti'ju' pwaq saj chjo'n teya ti'ju' tx'otx'? ¿Ma myatzun teju'ya tx'otx'? Ex tej xitk'a'yi'na, ¿ma myatzun teju'ya pwaq? ¿Tiqu'n xtb'inchaju'ya lu? Mya kye ichan xchana' yola, teku' Dyos, chi Luch. Tetzunj tb'inte Ananiy ja'lu, kub' tz'aq majx kyim. Ex tzaj xob'el kyi'j kkyaqilju' eb'inte.

Atzun ja'lo, awe' nyol kyeye', che tenku' xjalj na'j ex lalun tz'ok kq'o'n kyib'e' kyi'j. Qu'n qa kyu'n xjal te'lu, kb'el najte'; qatzun tu'n Dyos te'lu, lay kub'kyi'j kyu'ne'. Kka'yinxe', naq jaku' ti'j Dyos nche q'ojina'ye', chij kye. Xi'tzun knima'n tyol Kamalyel.