Popularne wersety biblijne z KAL-GOYTA 20

Udostępnij

Nanu mi Ma-Vatɗina Lawna vaŋu, ma kalaŋay goy hay nagat Egipte pa, hay ziyn ma laŋ gorvona. Naŋ ma girif laway maraɗi, girifanti nan kepe.

Naŋ ma ceɗ guna kay girifim ki lawayna vaŋ naɗi, kot va ma ŋray ki sle ma ka kulo hay wuralawn naɗi, ki sle ma gaa'a hay nagat naɗi, ki sle ma hay niyna gaa'a kuɗ nagat naɗi kaw. Naŋ ma girif gaa'a vokomɗi, sunumɗi kaw; kay nanu Ma-Vatɗina, Lawna vaŋu, nanu mi Lawn ma hunaya, nisi sa ka gaw tanu, nan ka kitata visi kay guro-misina, tam jafsi ma bugolsi ɦidina, ma bugolsi fiɗina kaw.

Slaŋ yam buŋu hiɗi suŋ kulo'o, kay buura vaŋ ma hur vokomu hay nagata ta Ma-Vatɗin Lawna vaŋ vulaŋgita.

Humaŋ jak' kay buur ma tun-sukŋa, kay nam peldete.

Naŋ ma yi sem Ma-Vatɗina Lawna vaŋu waaɗi, kay sa ma yi sem Lawna waa, Lawna as hinim bay ka kitat kalamɗi.

Naŋ ma li lop ir buur karkiya, naŋ ma li lopna vaŋ kaf jar buur namna. May buurta siɗiyat kayni ti buurta vi Ma-Vatɗina Lawna vaŋu: Naŋ as li lop haya' noŋ ne'ɗi: Naŋ liɗi kaw, goora vaŋ as liɗi kaw, goota vaŋ liɗi kaw, gorvona vaŋ liɗi kaw, gorvota vaŋ liɗi kaw, farayna vaŋ li lopɗi kaw, sa ma pulla ma ka musi hay vun-galana vaŋŋa as liɗi kaw.

Naŋ ma niŋa ziyna vi sugoloŋɗi; naŋ ma niŋa cata vi sugoloŋɗi, gorvona valamɗi kaw, gorvota valamɗi kaw. Putna valamɗi kaw, kurona valamɗi kaw

Naŋ ma di law ma sin kat sugoloŋɗi.

Naŋ ma li zlata-buloɗi

Naŋ ma ci matɗi.

naŋ ma kulɗi.