Popularne wersety biblijne z Maatiyee 19

Udostępnij

Peeɖe ɛcɔnɩ-wɛ pɩŋŋ nɛ eheyi-wɛ se: «Ɛyáa ɩɩpɩzɩɣna, ɛlɛ́, Ɛsɔ ñapɩzɩɣ ɛla pɩtɩŋa payɩ.»

Pʋ-yɔɔ lɛ, patatasɩ kɛʋ ɛyáa naalɛ. Ɛlɛ́, papɩsɩ ɛyʋ kʋɖʋm. Yee ḿbʋ́, pɩtamʋna se ɛyʋ ɛyasɩ mbʋ́ Ɛsɔ kpɛndaa yɔ.»

Ɛlɛ́, Yesu pɔzɩ-wɛ se: «Ɩtakalɩ tɔm ndʋ́ pama Ɛsɔtɔm Takayaɣ taa yɔ yaa we? Ńdʋ́ lɛ se: ‹Alɩwaatʋ ndʋ́ Ɛsɔ lakaɣ kedeŋa yɔ ɛlabɩ abalʋ nɛ halʋ nɛ ɛtɔ se: pʋ-yɔɔ abalʋ yeki ɛ-caa nɛ e-ɖoo nɛ ɛnɩɩnɩ ɛ-halʋ nɛ pa-naalɛ papɩsɩ ɛyʋ kʋɖʋm.›

Ɛlɛ́, eheyi-wɛ se: «Iyele piya nɛ sɩkɔɔ mɔn-cɔlɔ, ɩtaaɖaŋ-sɩ. Mbʋ́ pʋyɔɔ yɔ, mbá pɛwɛ ɛzɩ piya ńzɩ́ yɔ, ḿbá lɛ Ɛsɔ Kewiyaɣ taa ñɩma.»

«Ɛlɛ́, ɛyáa mbá pɛkɛ sɔsaa lɛɛlɛɛyɔ yɔ, pa-taa sakɩyɛ kɔŋ pɩsʋʋ cikpema nɛ mbá paba kɛ cikpema lɛɛlɛɛyɔ yɔ, pa-taa sakɩyɛ ñapɩsɩ sɔsaa.»

Mbá peyebi pa-ɖɩsɩ yaa pa-ɖalaa yaa pɔ-kɔɔnaa yaa pa-caanaa yaa po-ɖoonaa yaa pe-piya yaa pa-hayɩm mɔ-yɔɔ yɔ, pɔkɔŋ wɛnaʋ mbʋ́ mbʋ́ paawɛna yɔ tam mɩnʋʋ nɛ pɛtɛ pehiɣ wezuu maatɛŋ.

Ɛlɛ́, Yesu heyi-i se: «Yee ŋcaɣ se ŋtɛzɩ labʋ mbʋ́ Ɛsɔ liu wɛɛ yɔ yɔ, wolo ŋpɛdɩ mbʋ́ pɩtɩŋa payɩ ŋwɛna yɔ nɛ ŋtayɩ kʋñɔndɩnaa pi-liidiye nɛ ŋwɛnɩ ñɩm ɛsɔdaa. Yee ŋlabɩ ḿbʋ́ lɛ, ŋkɔɔ ŋtɩŋ-m.»

Peeɖe ɛpɔzɩ-ɩ se: «Pɩlabɩ ɛzɩma nɛ ŋpɔzʋʋ-m pʋyʋ kɩbanʋ tɔm? Ɛsɔ ɖeke kɛnɩ kɩbanʋ. Yee ŋcaɣ se ŋsʋʋ ɛsɔdaa koboyaɣ taa yɔ, pʋwɛɛ se ŋɖɔ paɣtʋ ndɩ ndɩ ndʋ́ Ɛsɔ ɖʋwa yɔ tɩ-yɔɔ.»

Pʋcɔ ñɩm tʋ nɔɔyʋ sʋʋ ka-taa lɛ, pʋwɛ kaɖɛ nɛ pɩkɩlɩ ɛzɩ kpaŋnɔ siɣá naalɛ tʋ sʋʋnɩ ɛjɔʋ pɔʋ taa yɔ.»

Mankaɖɩɣ-mɩ se: yee nɔɔyʋ halʋ ɛtala acɛyɛ nɛ ɛɖɔɔnɩ-ɩ nɛ ewolo ɛkpaɣ lɛlʋ yɔ, ɛlabɩ acɛyɛ.»

Peeɖe Yesu heyi ɛ-tɔmkpɛlɩkɩyaa se: «Toovenim lɛ, mankaɖɩɣ-mɩ se: pʋwɛ kaɖɛ kpem se ñɩm tʋ ɛsʋʋ Ɛsɔ Kewiyaɣ taa.