Popularne wersety biblijne z (Números) 14

Udostępnij

Nuadui Tuke Pujuujaig dekas shiwagmagawaigpa, nuwiya aents aina dusha ishamkaigpajum, wagki ditak jutijaig shiig wainkaush ainawai. Dita yaimainuk shiig atsawai, untsu iinak Tuke Pujuu yaimpawai. ¡Nuniau asamtai ishamkaigpajum!” tiuwai.

‘Wika wamkek kajechuitjai. Aents aidaunak senchi aneajai, nuniau asan dita pegkegchaun takainak mina shiwagmatuinakuish tsagkujajai, untsu dita pegkegchaujinig tuké suwimkan suwajai dutikakun ditá uchijinash, tijajinash, ama tijajinash ditá apaji pegkegchau takamsamunum suwimkan suwajai’, tame.

Tuja Tuke Pujuu iina wait anenjamkug nii yaimpasmatai, nunú nugkanmak wayattaji. Tuja nunú nugkak dekas shiig pegkejayi, ajak aidaush shiig tsapagmayi.

“Untsu Caleb mina inakjua duka tikich aina nujaig betekchauwai, wagki nigka ima minak umigtau asa. Nuadui nii nugká dekatatus weuwa nuwi niinak awayattajai. Dutika ai nii wegantu aidaushkam nuwi batsamsagtin ainawai.

Nuniku asan wi yamai atumin titatjim nunú ujaktajum: ‘Atum aidautijum chichamugmin antugkajim duka nunisag uminkati, junak dekas uminkatnun Wi Tuke Pujuun tajai.

Nunik Moisésan chichajak: “¿Juju aents aina dusha wajupa kuashta intimjutush yujagtatua? Waji wainchatai aidaun kuashat wi iwaintukajan kuitamka emamash juju aents aina duka dekaskeapi tujutuinatsui.

Nunikag ashí dita aidau Moisésan Aarógjai chichaman patatuinak: “¡Egipto nugkanum batsamsa jinumainus imajui uwegshunum yujasa jinaatin asa jiinjayagtai!

Nuniagtai nugka dekatatus shiyakajua nuwiya Josué Calebjai anentai inagmak jáanchjin japiki ichigkajui. Nunikag Israel aents aidaun chichajainak: “¡Ii nugka dekatasa wemayag duka dekas shiig pegkejayi!

Wika dekas tuke pujuuwaitjai. Mina imanjunak dekas ashí nugkanum dekainawai. Au aents aidauk wi dita muunji aidaun nugka anagkuawaitag nunak dekas wainkachagtinai. Wagki wi mina imanjui wainchatai ishamain aidaun Egipto nugkanum tuja uwegshunmashkam iwainamun wainkau ainayatak, dekapjustasag mina umigtutan dakitjau aina nuadui. Tuja wi ditá muunji aajaku aina nuna nugka amastajime tusan anagkuawaitag nunak ditak wainkachagtatui. Mina dakitjujaju aina dushakam makichkish nunú nugkanak wainkachagtinai.