Popularne wersety biblijne z رَوْمَا 12

Udostępnij

آبَوْا مَا تِتَابُعُوا فِكِرْ نَاسْ الدُّنْيَا لَاكِنْ خَلِّي اللّٰهْ يِغَيِّرْكُو وَ يَنْطِيكُو عَقُلْ جَدِيدْ الْبَيَّهْ تَقْدَرَوْا تِمَيُّزُوا الشَّيّءْ الْاللّٰهْ يِدَوْرَهْ وَ تَعَرْفُوا الشَّيّءْ الْعَدِيلْ وَ الشَّيّءْ الْاللّٰهْ يَرْضَى بَيَّهْ وَ الشَّيّءْ التَّمَامْ.

يَا أَخْوَانِي، نِوَصِّيكُو بِسَبَبْ رَحْمَةْ اللّٰهْ اللِّقِيتُوهَا، أَيِّ وَاحِدْ مِنْكُو يِقَدِّمْ جِسْمَهْ لِلّٰهْ ضَحِيَّةْ حَيَّةْ وَ مُقَدَّسَةْ الْاللّٰهْ يَرْضَى بَيْهَا. وَ دِي هِي عِبَادِتْكُو الْوَاجْبَةْ.

أَفْرَحَوْا أَشَانْ عِنْدُكُو عَشَمْ فِي رَبِّنَا. أَصْبُرُوا فِي التَّعَبْ وَ صَلُّوا دَايْماً بَلَا كَسَلْ.

مَا تِخَلُّوا الشَّرّ يِنَّصِرْ فَوْقكُو لَاكِنْ أَنَّصُرُوا فِي الشَّرّ بِالْخَيْر.

أَرَّايَدَوْا أَمْبَيْنَاتْكُو مِثِلْ أَخْوَانْ وَ خَلِّي أَيِّ وَاحِدْ يِشِيلْ نِيَّةْ أَشَانْ يِحِبّ أَخُوهْ بِإِحْتِرَامْ.

حِبُّوا أَيِّ نَادُمْ بِمَحَبَّةْ صَحِيحَةْ. أَكْرَهَوْا الشَّرّ مَرَّةْ وَاحِدْ وَ أَكُرْبُوا الْخَيْر قَوِي.

جَاهُدُوا بِأَيِّ دَلِيلْ أَشَانْ تِعِيشُوا بِسَلَامْ مَعَ كُلَّ النَّاسْ.

يَا الْمَحْبُوبِينْ، مَا تِشِيلُوا التَّارْ. خَلُّوا غَضَبْ اللّٰهْ يِشِيلْ لَيْكُو التَّارْ أَشَانْ مَكْتُوبْ فِي الْكِتَابْ: <التَّارْ هَنَايِ. أَنَا بَسْ النِّشِيلَهْ.> دَا بَسْ كَلَامْ اللّٰهْ.

تَابُعُوا رَبِّنَا بِنِيَّةْ وَاحِدَةْ وَ بَلَا كَسَلْ. أَنْكَرْبُوا فِي خِدْمَةْ الرَّبّ.

وَ بِالنِّعْمَةْ الْاللّٰهْ أَنْطَاهَا لَيِّ، نِوَصِّي أَيِّ وَاحِدْ مِنْكُو مَا يِسْتَكْبَرْ. خَلِّي أَيِّ وَاحِدْ مَا يِنْغَشَّ لَاكِنْ يِشِيفْ نَفْسَهْ حَسَبْ قُدْرَةْ الْإِيمَانْ الْاللّٰهْ أَنْطَاهْ لَيَّهْ.

كَنْ نَادُمْ سَوَّى فَوْقكُو شَيّءْ فَسِلْ، مَا تِسَوُّوا فَوْقَهْ شَيّءْ فَسِلْ. فَكُّرُوا وَ سَوُّوا الشَّيّءْ الْكُلَّ النَّاسْ يَرْضَوْا بَيَّهْ.

أَسْتَفُقُوا أَمْبَيْنَاتْكُو وَ خَلِّي أَيِّ وَاحِدْ مَا يَجْعَلْ نَفْسَهْ كَبِيرْ لَاكِنْ خَلِّي يَجْعَلْ نَفْسَهْ صَغَيَّرْ. مَا تِسَوُّوا نُفُوسْكُو عِنْدُكُو عِرْفَةْ كَتِيرَةْ.

أَخَيْر كَنْ تِتَابُعُوا الْكَلَامْ الْبُقُولْ: <كَنْ عَدُوكْ جِيعَانْ، أَنْطِيهْ يَاكُلْ. وَ كَنْ هُو عَطْشَانْ، أَنْطِيهْ يَشْرَبْ. كَنْ تِسَوِّي مِثِلْ دَا، الْعَيْب يَكُرْبَهْ وَ يَبْقَى مِثِلْ جَمُرْ الصَّبَّوْه فِي رَاسَهْ.>

بَارُكُوا النَّاسْ الْيِتَعُّبُوكُو. أَيْوَى، بَارُكُوهُمْ وَ مَا تَلْعَنَوْهُمْ. أَفْرَحَوْا مَعَ الْفَرْحَانِينْ وَ أَحْزَنَوْا مَعَ الْحَزْنَانِينْ.

سَاعُدُوا الصَّالِحِينْ الْمُحْتَاجِينْ وَ ضَيُّفُوا بِفَرَحْ الضِّيفَانْ الْيَجُوكُو.

شِيفُوا، أَيِّ وَاحِدْ مِنِّنَا عِنْدَهْ فِي جِسْمَهْ أَعْضَاءْ كَتِيرِينْ وَ كُلَّ عُضُو مَا يِسَوِّي نَفْس الْخِدْمَةْ. بِمِثِلْ دَا، أَنِحْنَ نَاسْ كَتِيرِينْ لَاكِنْ بِقِينَا مِثِلْ جِسِمْ وَاحِدْ فِي الْمَسِيحْ. وَ أَيِّ وَاحِدْ مِنِّنَا، هُو عُضُو فِي الْجِسِمْ دَا وَ بِقِي أَخُو لِلْآخَرِينْ كُلُّهُمْ.