Popularne wersety biblijne z يُوحَنَّا 19

Udostępnij

وَ عِيسَى شِرِبْ مِنْ الشَّرَابْ الْحَامُضْ دَا وَ قَالْ: «كُلَّ شَيّءْ تَمَّ خَلَاصْ.» وَ دَنْقَرْ رَاسَهْ وَ أَنْطَى الرُّوحْ.

وَ عِيسَى عِرِفْ كُلَّ شَيّءْ كَمَّلْ. وَ هُو حَجَّى بَتَّانْ أَشَانْ الْكَلَامْ الْمَكْتُوبْ فِي سَبَبَهْ فِي الْكِتَابْ يِتِمّ. وَ هُو قَالْ: «أَنَا عَطْشَانْ.»

وَ عِيسَى شَافْ أَمَّهْ وَ شَافْ التِّلْمِيذْ الْهُو يِحِبَّهْ وَاقِفْ قَرِيبْ لَيْهَا. وَ حَجَّى لِأَمَّهْ وَ قَالْ: «مَرَةْ زَيْنَةْ شِيفِيهْ، دَا وِلَيْدكِ.» وَ حَجَّى لِتِلْمِيذَهْ وَ قَالْ: «شِيفْهَا، دِي أَمَّكْ.» وَ التِّلْمِيذْ وَدَّاهَا فِي بَيْتَهْ وَ مِنْ الْيَوْم دَا، هِي سَكَنَتْ مَعَايَهْ.

وَ لَاكِنْ وَكِتْ جَوْا لِعِيسَى، شَافَوْا هُو مَيِّتْ خَلَاصْ. وَ أَشَانْ دَا مَا كَسَّرَوْا رِجِلَيْنَهْ. لَاكِنْ عَسْكَرِي وَاحِدْ طَعَنَهْ فِي نَايْطَهْ بِحَرْبَةْ وَ طَوَّالِي دَفَّقْ مِنَّهْ دَمّ وَ أَلْمِي.

وَ الشَّيّءْ دَا بِقِي أَشَانْ كَلَامْ الْمَكْتُوبْ فِي الْكِتَابْ وَاجِبْ يِتِمّ. وَ الْكَلَامْ دَا بُقُولْ: <وَاحِدْ مِنْ عُضَامَهْ كُلَ مَا يِنْكَسِرْ.> وَ الْكِتَابْ كُلَ بُقُولْ: <يِشِيفُوا النَّادُمْ الطَّعَنَوْه.>

وَ عِيسَى شَايِلْ الصَّلِيبْ الدَّوَّرَوْا يَكْتُلُوهْ فَوْقَهْ. وَ وَدَّوْه فِي بَكَانْ وَاحِدْ أُسْمَهْ بَكَانْ الْجُمْجُمَةْ وَ بِكَلَامْ عِبْرَانِي أُسْمَهْ جُلْجُثَةْ.

وَ وَكِتْ جَلَدَوْه خَلَاصْ، الْعَسْكَرْ سَوَّوْا لَيَّهْ تَاجْ هَنَا شَوْك مَضْفُورْ وَ خَطَّوْه فِي رَاسَهْ وَ لَبَّسَوْه خَلَقْ لَوْنَهْ قَرَضِي مِثِلْ خَلَقْ الْمَلِكْ.