Popularne wersety biblijne z خُروج 10

Udostępnij

وَ بَعَدْ دَا، اللّٰهْ قَالْ لِمُوسَى: «أَمْشِي لِلْمَلِكْ أَشَانْ أَنَا بَسْ قَوَّيْت رُوسَيْهُمْ هُو وَ خَدَّامِينَهْ لِنِسَوِّي عَجَايْبِي فِي أُسُطْهُمْ. وَ بَيْدَا، إِنْتَ تَقْدَرْ تِحَجِّي لِعِيَالَكْ وَ لِعِيَالْ عِيَالَكْ بِالتَّعَبْ الْأَنَا جِبْتَهْ فِي الْمَصْرِيِّينْ وَ عَجَايْبِي السَّوَّيْتهُمْ فِي بَلَدْهُمْ. وَ بِمِثِلْ دَا، تَعَرْفُوا كَدَرْ أَنَا بَسْ اللّٰهْ.»

وَ بَعَدْ دَا، اللّٰهْ قَالْ لِمُوسَى: «أَرْفَعْ إِيدَكْ عَلَيْ السَّمَاءْ وَ ضَلَامْ أَزْرَقْ كُرُمْ يِغَطِّي بَلَدْ مَصِرْ. كَنْ نَادُمْ يِشِيفَهْ، يُقُولْ الضَّلَامْ دَا مِثِلْ يِلَمِّسَهْ.» وَ مُوسَى رَفَعْ إِيدَهْ عَلَيْ السَّمَاءْ وَ خَلَاصْ، ضَلَامْ أَزْرَقْ كُرُمْ غَطَّى بَلَدْ مَصِرْ مُدَّةْ تَلَاتَةْ يَوْم. وَ فِي التَّلَاتَةْ يَوْم دَوْل، الْمَصْرِيِّينْ مَا قِدْرَوْا يِشَّاوَفَوْا أَمْبَيْنَاتْهُمْ وَ نَادُمْ وَاحِدْ كُلَ مَا قِدِرْ يَمْرُقْ مِنْ بَيْتَهْ. وَ لَاكِنْ فِيَّهْ ضَيّ فِي الْبَكَانْ السَّاكْنِينْ فَوْقَهْ بَنِي إِسْرَائِيلْ.

وَ خَلَاصْ، مُوسَى مَدَّ عَصَاتَهْ فَوْق الْبَلَدْ وَ اللّٰهْ جَابْ رِيحْ مِنْ الصَّبَاحْ وَ الرِّيحْ سَاقَتْ طُولْ النَّهَارْ وَ طُولْ اللَّيْل. وَ أَمْبَاكِرْ بِفَجُرْ، الرِّيحْ جَابَتْ الْجَرَادْ. وَ الْجَرَادْ مَلَا كُلَّ بَلَدْ مَصِرْ وَ أَنْصَبَّ فِي أَيِّ بَكَانْ بِكَتَرَةْ. وَ شَيّءْ مِثِلْ دَا أَبَداً مَا كَانْ فِي تُرَابْ مَصِرْ وَ بَتَّانْ مَا يُكُونْ.