Popularne wersety biblijne z 2 كُرُنْتُس 9

Udostępnij

وَ اللّٰهْ يَقْدَرْ يَنْطِيكُو رَحْمَةْ بِزِيَادَةْ لَحَدِّي فِي أَيِّ وَكِتْ عِنْدُكُو الْيَكْفِي لَيْكُو أَشَانْ تِشَارُكُوا زِيَادَةْ فِي أَيِّ عَمَلْ هَنَا خَيْر.

خَلِّي أَيِّ نَادُمْ مِنْكُو يَنْطِي حَسَبْ النِّيَّةْ الشَّالَاهَا فِي قَلْبَهْ. خَلِّي مَا يَنْطِي شَيّءْ بَلَا نِيّتَهْ وَ مَا مِثِلْ نَادُمْ عَصَرَوْه عَصَرَانْ أَشَانْ اللّٰهْ يِحِبّ النَّادُمْ الْيَنْطِي بِفَرَحْ.

وَ مَا تَنْسَوْا كَدَرْ النَّادُمْ الْيِتَيْرِبْ شِيَّةْ يَقْطَعْ شِيَّةْ وَ الْيِتَيْرِبْ كَتِيرْ يَقْطَعْ كَتِيرْ.

وَ اللّٰهْ الْيَنْطِي التَّيْرَابْ لِلْحَرَّاتِي وَ مَعَاشْ لِلنَّاسْ، هُو يِكَتِّرْ لَيْكُو تَيْرَابْكُو أَشَانْ تَلْقَوْا كَتِيرْ وَ تَنْطُوا زِيَادَةْ وَ يِزِيدْكُو بَرَكَةْ. وَ اللّٰهْ يِزِيدْ لَيْكُو كُلِّ شَيّءْ أَشَانْ أَنْطَيْتُوا بِجُودْ وَ وَكِتْ نِوَدُّوا عَطِيِّتْكُو لِمَدِينَةْ الْقُدُسْ، النَّاسْ يَشْكُرُوا اللّٰهْ.

وَ الْحَمْدُ للّٰهْ! الْعَطِيَّةْ الْهُو أَنْطَاهَا، مَا فِي شَيّءْ يِقَادِرْهَا.