Popularne wersety biblijne z Marako 6

Udostępnij

En te kobbigi ni, “Biye wunu kan a jo mom iye, me koŋ iwe wunu anok”, pien jo apol obino aluca luca, omio gin mom obedo kede kare anaka me cem.

Yecu te kobbigi ni, “Mom tye adwarpinnyoro ame mom oworo, kono ka i lobo me turgi, kede i akina doggola mere, kede i paco mere.”

Tekki Yecu ya i yee, ete neno lwak apipim; ocone meicel, pien ocalo rommi ame akwatgi mom; te cako pwonyogi i kop apol.

Tiyo ticcogo atek adoŋo kuno oloc, kono ka keto ciŋe i kom otwo mogo anok kede caŋogi. Owurogi atek pien iyeegi mom. Yecu owoto omano i akina myere kun pwonyo.

Omako ogati abic kede rece aryo-nu, oneno malo i polo, okwao iye winyo, onyinyilo ogati, omio baŋ jo a lube wek oket i nyim jo; dok opoko rece aryo-nu baŋgi ducu. Gin ducu ocamo, oyeŋ. Ocoko ŋide cem kede me rece, oromo aditti apar wie aryo ame opoŋ.