Popularne wersety biblijne z Jenesis 7

Udostępnij

Nao God i talem long Noa se, “Noa. Naoia, yu wetem woman blong yu mo olgeta pikinini blong yu, yufala i mas go insaed long sip ya, from we mi mi luk finis we long olgeta man long wol ya, yu nomo yu stret man.

Nao wota ya i stap olsem, gogo kasem wan handred fifti dei.

Nao long yia ya we Noa i gat sikis handred yia blong hem, long seken manis* blong hem, long namba seventin dei blong manis ya, ol hol blong wota insaed long graon oli kam open, mo wota i stap kamkamaot bigwan. Mo bigfala ren i kam we i ren we i ren.

Olgeta samting ya we i gat laef we oli stap long graon, God i bin mekem olgeta, be long taem ya, hem i draonem olgeta evriwan oli ded. Ol man, wetem ol anamol, mo ol naranarafala samting we oli stap wokbaot long graon, mo ol pijin, God i spolem olgeta evriwan bakegen. Noa nomo, wetem ol famle blong hem mo olgeta samting we oli stap wetem hem long bigfala sip ya, olgeta ya nomo oli stap laef.

Mo ren ya i stap gogo kasem foti dei mo foti naet, we i no spel nating.