Popularne wersety biblijne z Lomɛ́ŋ 4

Tɛ puɔ́s utimaák imfɛ́l kí indan eyí Támbák maákɛ́n wɔ́, maná pipíóndínyí ɔtɛ́m umaápián piékeeki wɔ́ malúnda woómokosi Támbákɛ́ɛ. Puandá púmoómí umɛɛ́lɛ́ utiákán imfɛ́l á pɔ púú púnyɛ ɛ́ɛ́: Epú Támbák maákɛ́n pɛɛnd indan, unyɛ na pukaaka pú kuɛl pɔ.

Ɛ́ɛɛ pifúúmak pí imbɔp ɔ́ɔ́kɔɔyɔ nɔ: Yeényíkutényikenyi sí u piɛ́nɛɛ́n kutek. Ápilaháam nyɛ Síí waasɔ́ ó pusíó pú Támbákɛ́ɛ ewú umaátáp, unyɛ Támbákɛ́ɛ weenyesíé piku wɛɛlɛnɛ́ ɛ́ɛ́ epú putiányípá, púpa.

Támbák meekí wɔ́ ɛlɛɛ́ kifunɔ́ á kuamaná ɛ́ɛ́ úkú káásɔ́ á pifal maná weekeenyi wɔ́ é niku. É kutúéyi indɛ́ndɛ́nɛ kɛ́ɛ́yɛ́ ó pusío.

Ápilaháam mapián pipíóndínyí ɔtɛ́m, upétenyi indan i Támbák tɛ aná pómotí mɔɔ́yɔ́ ɛ́ɛ́ pútipá kupiɛl anakáánɛ́. Púu pukáánɛ́ Támbák moówóónyi indan yɛɛyɛ́ nɛ kuɛl epú umɔɔ́yɛ́t ɛ́ɛ́: Niindaanda níáwɔ áányípá kutek kétek. Yá anakáánɛ́ Ápilahám mɛɛ́yɛ́ Síí u piɛ́nɛɛ́n kutek.

Akáánɛ́ epú Támbák maátán é péépé páátapanɛ́ wɔ́ ɛ́ɛ́ púpá nupoo. Akáánɛ́ kɔk indan ikáánɛ́ áányípá ó pusíó pú niindaanda ní Ápilaháam. Pukáánɛ́ tiányipá kɔ́ɔ́m é péépé pɔ́ɔ́pinɔnɛ́ɛ kikotí maná kɛ́k é péépé kitikit páátapanɛ́ Támbákɛ́ɛ, aná sí waasɔ́ u peem Ápilaháam maátáp wɔ.

Wɔɔ́kɔyɔ ɛ́ɛ́: «Imak ne epé Támbák maáyapɛ́n pɔ́ kɔ́ɔ́p á pipínanɔ́ na pifal piɔ́p! Ipal na mɔɔnd ewú Ɔkɔ́n tiányípá waákan pifal piɛ́yɛ́ ɔ́ niɔlɔ́!»

Ɛ́ kuɛn índɛ́ epue pifúúmak pí ifiɔ́ŋ ɔ́ɔ́yɔɔnɛ́ɛ: Ápilaháam maátáp Tambák ɛ́, akáánɛ́ kɔk Támbákɛ́ɛ weemeny wɔ́ ɛlɛɛ́ u indɛ́ndɛ́nɛ.