Popularne wersety biblijne z Yohánese 16

Udostępnij

Ŋgo mó nó ojána wimé omówo ukú ójó anáá no timbe dɔ́ŋgɔrɔ́ɔ́ŋ esene éyé no ámó retyérí name. Na cí ejé, no mó enámó etɔɔ kó ítɔɔ náná, ríyáno na wonotó esene éyé ŋgo ma dɔɔ́ cí ra ndono.»

Ará Ireréŋgi yá vatɔ́ɔ́tɔ́ é mó urámó, é mó nó túrámó na vatɔ́ɔ́tɔ́, na vatɔ́ɔ́tɔ́ bimé. É ta mó oja mamba ámá má urámó na ómwané maté, a mó ójámó wandá wimé ówó a ma ová kó a mó nó tɔ́ŋénámó até éyé é né geremenámó ojine.

Hwɔs tetee ojó, no árɔ́wɔ́ ka súsé wandá na ebérááná yámé. Súsáno kó no né timbámó ukú ójó anáá vitaka vyá vinó ví rií táásé.»

Ndeke sɔ́ɔ́ ŋgo nó ojánamó vatɔ́ɔ́tɔ́. Mpí e ámó na wusó wá vinó anáá ŋgo enda. Esené ŋgo a ríi ka enda, ojo a geremenamó ondo nó aká a ta né uré na vinó, vedá ŋgo endá, ŋgo né me tómámó na vinó. Kó ará a né urámó a né tíhíyámó vato ává na cí ra ndono ejé mohusí mwáwó, na até éyé é néménámó nyéŋgé, na até éyé é néménámó wo ndíŋgirííŋ kó hónó na até éyé é néménámó jósi.

Náná kówo vinó hónó no ámó naáté yá etɔɔ tetee ojó, wó je rií anáá ŋgo mó wúndámó o nó ená, kaá ɔ́wɔ́ etémá ra vinó e mó ríyámó naáté yá vitaka kó vitaka mwané moto a ta mó hítí o nó bɔ́wena. Isí mwané, no ta mó ne cúcé wandá. Na vatɔ́ɔ́tɔ́, na vatɔ́ɔ́tɔ́ ŋgo nó ojánámó anáá, wandá wimé ówó no mó súsámó Tetáŋgá na ebérááná yámé, a mó nó hwámó.

Na vatɔ́ɔ́tɔ́ na vatɔ́ɔ́tɔ́ ŋgo nó ojánámó anáá: No mó vaŋgámó vinó ovaseénye hɔrɔ́ cí ra ndono e saŋgena. No mó riyámó na etɔɔ vedá etɔɔ yá vinɔ́ é mó búndámó vitaka.