Popularne wersety biblijne z Ichedendik 3

Udostępnij

Ch'kwanọng nwo oze bẹ́, ochiduk nwo ojibhẹ ekkerẹ, obir ọbaana ẹcha, obir ọdaak-ẹ bẹ́, wura ochi ọfha ozonga odik, ọpha aduk banẹ ochi, obir ọtọka banẹ ọnang odim kwẹ, odim obir ochi.

Wa ijọhk jọ iyọhng ẹgbaten kpenamkpen k'nkkaar ny'mgba-nten s'Ọvaar Ibinọkpaabyi ikk'ọsa. Ijọhk njo ibọbh kwanọng bẹ́, “Ma, Ibinọkpaabyi obenẹ bọnga majijik bẹ́, maning ochiduk kw'echi kpenamkpen m'owonọ nwa achi o?”

Kaam m'nsi kọ ọttara kwanọng maninga k'iwawuna, iva pẹ ọttara iva pọ, mm'abira awuna ayok. Kẹ m'ọvọhk-ọ eso, kọ m'abir agaak-ẹ k'ebhokọhrọ.”

Ibinọkpaabyi oben kwanọng bẹ́, “Kaam m'nttar-ọ irem siden k'ogbe kw'ọmaan, kọ min'ad-atọka irem k'ogbe kw'im'amaan iva. Zaabẹ́ aze irem yen, m'ọdaak-ọ z'ettem bẹ́, agbaka ifor amaana odim, kẹ m'obir ọbaabh-ọ.”

Kọ min'ad-asi ọtọhm maa, arunga, pira ayena ọchattọhk, matẹtẹma opyirẹ k'ogbe kw'im'akpa nnam z'izek. Kirẹ, matim izek asọ-ọ, ny'izek jọ s'im'abir akpa nnam.”

Ibinọkpaabyi oben Adam bẹ́, “Kọ ayong itọhng k'odik kw'kwanọng kwọ, achi ochiduk nwo kw'ntor-ọ itọhng bẹ́, aning achi. Ofona nya, kk'izek ẹmma nnanga okurọ kọ. M'atọka irem pira achi ọttọhk f'ofon ny'izek njo, k'akpen pọ maphyir.

Ibinọkpaabyi ọbọbh-ẹ bẹ́, “Anyi wọ otek-ọ bẹ́, atim erinikwum? Ma, nkk'ochiduk nwo acha kw'ntọrọ bọnga itọhng bẹ́, maning achi o?”

Okwubh ojinọng nwo nya o, ọtọka acherubim osok ny'ebhumma ch'owonọ nwo kw'Iden, z'ẹbhaakẹ ch'ewuchen ed-eyin, obir osok ọkkangkkang kw'oyen ekpondaak kw'ọd-ọbhakẹ ẹmma okkerẹ k'ibyi kpenamkpen, mfha ọnọng oning odimẹ opyirẹ za ch'echi ndo ch'akpen ening.

Wa Adam okpe kwanọng kwẹ bẹ́, Iv, okurọ bẹ́, kẹ wọ im'okwu ode ọkka kw'anọng maphyir p'aning akpen.