Popularne wersety biblijne z Tite 3

Udostępnij

Lang ɓwama sǝna ɓǝla-nggunì ndanǝ ɓoaro ace girlina, sǝ ɓoarsǝna, ɗǝm ngga sǝn ɓoaro mala sǝlǝe mǝnana nǝ̀ kùmô arǝì, a ɓabumi ka, kara tù atà aɓǝla-nggunì lì. Sǝ pè burí, pǝlǝa yì ka lì gbal.

Atà anyam-bondo mǝnana Mǝtalabangŋo Ɓakuli pusǝia ka, n'yau na mǝnana kútiǎ kat nǝ kutan ngga. Ɓè kǝ pwari ka, n'yau ɗì ɓwama ama, <<Mbak-kàngkàng Ɓakuli bang ama, <Wu kǝa li kǝ ɓǝlanggun mǝnana a ɓaban mala anggun ngga ɗàng le?> >>

Mǝ nǝ tsǝk do-ɓibura a nre wun, wunǝ ɓwama man, amunio andǝ amǝ'keò nǝ̀ duk ɓibura mala amuni andǝ amǝkè. We ka, awu nǝ kwar mǝkè a nkpalkusǝi, sǝ yì ka, nǝ̀ ar ɓamuro.>>

Ɓwama ka Ɓakuli ne wi ama, <<Mǝ nǝ hatǝki kwanban mô aɓa ɓǝlmuna; aɓa kwanban sǝ awu nǝ gbáshí muna. Kat andǝ amani ka, nzal burio nǝ̀ aki ɓalǝo, sǝ yì ka nǝ̀ duk murǝm amuro.>>

Nǝ piban a nggun-muro sǝ awu nǝ kum girlina, mana a nǝ lì ka, bà pwari mǝnana awu nǝ wǔ a nǝ nyare a nzali ka; acemǝnana nǝ tú-nzali sǝ à peo. We ka a nda nzali, sǝ a nzali sǝ a nǝ nyare a nǝ o.>>

Mala ɓwabura ka, Ɓakuli ne wi ama, <<Acemǝnana a kwakikiro arǝ māmó, sǝ a lina ɓǝlanggun mǝnana ǝn nunkiro nǝma wu kǝa lì raka, <<Nzali twalǝna súban amurí akǝ cau mò. Do mô bà, a nǝ tanni aɓa túró mǝcandǝe sǝ a nǝ kum girlina.

Mǝtalabangŋo Ɓakuli ɗì ama, <<Yana nô ama a nda nǝ ɓato? Ko a lina ɓǝlanggun mǝnana ǝn nô nǝma wu kǝa li raka lè?>>

Anzǝm mǝnana pǝrna ɓwabure pusǝni ka, Mǝtalabangŋo Ɓakuli pǝlǝa tamsǝ acerup, akanggǝrang amǝ'yál ban mala Ɓakuli, nǝ njar-takuli a ɓaban mala anggun a Iden, sǝ tsǝk nggeabyau mǝnana kǝ earki nǝ lasǝ-bǝsa sǝ kǝ pǝlǝki a koya buì ka, ɓǝà kǝ yál njargula ká aban nggun-yilǝmu.

Ɓwabura, yì Adamu ka, tsǝkî māmí lullǝu ama Hawawu, acemǝnana yì na nǝ̀ duk nggea ka ɓwapǝndǝa kat mana à ndanǝ yilǝmu ka.