Popularne wersety biblijne z Mateus 1

Udostępnij

Iiye ra ebwe hafada demarü happala mwaare hoda haiteitangari bwa Hesus, bwa iiye na ebwe haruul yaar sawo ma ifiri tammaüül.”

“Demarü birhen ebwe diyar eda hafada demarü happala mwaare lada dölü bwa ebwe iitar Imanuel”, (nifaari mere ra “Dios e mire uworus”).

Ifiri na e mamangiya titiror, nga yaari Tamoru anghel eda hirengari ma räni yaar ttar eda haüya bwa, “Hosei we ho sapitoho ma ifiri Dabid, ho tawai matahü na hobwe hädi Maria bwa lumu, bwa Ngörü Liya sapir na eda rari.

Iyer na e faülü na fadari Hesu Kristo. La hädi neirar Maria lada hafatofatongari Hosei, nga imowari na labwe liili nga Maria eda diyar ifi namari Ngörü Liya. Hosei we e haye faülü söhü titiro maho, e tamasari hatawadiye titini Maria, eda kupeti yarari na ebwe hatawolaraho sahü na yael liili.