Popularne wersety biblijne z गलातियो 5

Udostępnij

आतमा रौ फळ तो परैम, सानति, आंणंद, धीरज, करपा, भलाई, नरमाई, मेळ अर खुद नै बस मे राखणौ है। ऐड़ै कांमां रै विरोध मे कोई व्यवस्था कोनीं है।

पर म्हैं कहूं हूं के, थै पवितर आतमा रै कैणै में चालो अर सरीर री वासना ऊं बचयोड़ा रैवौ।

अगर अपां पवितर आतमा ऊं जीवता हा तो अपांनै पवितर आतमा रै कैणै में चालणौ चाहीजै।

जिकौ लोग यीसु मसीह रा है, वे सरीर रा लालच अर बुरी इछाओ नै सूली माथै चढ़ा दी है।

सरीर रा कांम तो सांमै है, ज्यूं व्यभिचार, भूंडा कांम अर लुचापणो। मूरती पूजा, टोटका, बैर, झगड़ा, रीस, विरोध, सवारथ, फूट अर अधरम। मन में रीस, नसो अर भोग विलास जैड़ा घणा कांम है जिणरै बारै में म्हैं थांनै पैला कैह दियौ हो। ऐड़ा कांम करण वाळा परमेसर रा राज में वारिस नीं होवैला।

हे भाइयो, थै परैम ऊं एक दूजा री सेवा करौ। थै जांणौ हो के, थांनै परमेसर आजाद रैवण वास्तै बुलाया है। ऐड़ौ नीं होवै के, थै सरीर रा भोग विलास में पड़ जाओ।

सरीर री वासना पवितर आतमा ऊं उलटी हालिया करै अर पवितर आतमा सरीर री वासना ऊं उलटी चालै। ऐ दोनो आपस में एक दूजा रा बैरी है। इण वास्तै जिकौ थै करणी चावौ, वो नीं कर सकौ।

क्यूंकै, “अपणै पड़ोसी नै खुद ज्यूं परैम करणै ऊं ही मुसा रा सगळा कानुन पूरा हो जावै।”

अपां घमंडी होयनै एक दूजौ नै नीं छेड़ो अर नीं एक दूजा वास्तै मन में रीस राखौ।

मसीह अपांनै आजाद रैवण वास्तै ही आजाद करिया है। इण खातर थै, पाछा गुलामी रै जुआ में मत जुतो।