Popularne wersety biblijne z 2 तीमुथियुस 3

Udostępnij

पूरौ पवितर सास्तर परमेसर री सामरथ ऊं रचियोड़ो है अर उपदेस, अर समझानै, अर सुधारनै, अर धरम री सिकसा रै खातर फायदेमंद है, ताकी परमेसर रौ जन सिद्ध बणै, अर हरैक भलै कांम रै खातर तैयार रैवै।

पण ओ याद राख की आखरी दिनां मांय कठिन वगत आवैला। क्यूंकै मिनख मतलबी, लोभी, डींगमार, अभिमांनी, निंदा करणैवाळौ, मां-बाप री आग्या टाळणैवाळा, दया नीं करणैवाळौ, अपवितर, परैम नीं राखणवाळौ, माफ नीं करणैवाळौ, दोसण लगाणैवाळौ, सहन नीं करणैवाळौ, कठोर, भलै रा बैरी, विसवासघाती, लोफर, घमंडी, अर परमेसर रा कोनीं बल्कि सुख-विलास रा ही चाहनेवाळा होवैला। वे भगती रौ रूप तो धारैला, पण उणरी सगति नै नीं मानैला। ऐड़ौ ऊं आगौ रैणौ।