Popularne wersety biblijne z Mateyo 24

Udostępnij

Pamulandu wakufula kwabubifi, ukutemwa kukafubalila. Lelo abakasipikisya ukufika kumpela bakapusuka.

Kabili iyi Mbila Nsuma yapa bufumu ikasisimikilwa mwisonde lyonse ngobunte kufyalo fyonse, elo impela ikafika.

Mukomfwa inkondo nefintinya fyankondo, lelo mwikatiina. Fyonse ifi fintu fikakitika, lelo impela ninsi tailafika.

Ifyalo fikemina ifyalo fibiye, ubufumu bukemina ubufumu bubiye. Konse kukaba ifipowe na bamakumba mukende isyalekana lekana. Lelo ifi fikabafye ngobukali bwakwambilapo ubwapakupapa.

Umulu nesonde fikapita lelo amasiwi yandi tayakapite.

Pantu abantu abengi bakesila mwisina lyandi, bakalaitunga ukuti ‘Ninebo Klistu!’ Kabili bakabepa abengi.

“Bakamipakasa no kumipaya, kabili mukapatwa kubantu mufyalo fyonse pamulandu wandi. Abantu abengi bakalufya ikitetekelo pali iyi nsita, bakalafutuka nokupata ababiye. Elo bakasesema babufi abengi bakamoneka nokubepa abantu abengi.

Yesu abaswike ukuti, “Kengeleni, pakuti umuntu nangu umo emibepe.

Eikyo namwebo beni abaipekanya lyonse, pantu Umwana Wamuntu akesa pakasita kantu musyenekele.

Eikyo kengeleni, pantu tamwisibe ubusiku Imfumu yenu ikesa.

“Lelo tapaba uwaisiba ubusiku nakasita, bamalaika ba mumulu tabaisiba kabili Nomwana Wamuntu wine taisiba, Tatafye eka ewaisiba.

Pantu ba krisitu babufi na bakasesema babufi bakamonekela, bakalakita ifisibilo ifikalamba nefisungusyo pakuti bakabepe na basalwa ngafingakitika.

Ngafintu kyali munsiku yakwa Noa, efintu kikaba nalintu Umwana Wamuntu akesa. Lintu ilyeshi talilaisa, abantu balelya nokunwa, baleupa nokupwa, mpaka pa busiku buntu Noa aingile mu bwato. Tabaisibe nangu fimo ifyalekitika mpaka ilyeshi lyaisa balofya bonse. Efintu kikaba napakwisa kwa Mwana wa Muntu.