Popularne wersety biblijne z Jɔŋ 3

Udostępnij

“Bʉʼka Nyii nə kʉ̀ʉ wʉʉnəmbikə yɔ́ŋyɔ́ŋ mənɔ, ɔ kɔ́ mbyu Vaa-ɛ imɔʼ mbɔ wotəmiyɔŋ ndə ɔ bɛ́ŋ ɔŋ, bíeleʼnə kwú bɛ́ fɛ, bɔŋ bu kie məchímbi təmə liʼ-i ghɔ fɛ.

Nyii kə tə́ŋ Vaa-ɛ, kɔ́ kəwʉʉnəmbi mbɔ ɔ̈ gwè chʉ̀ə ŋkwɛ tʉ bʉə-bʉəbʉə fɛ, bɔŋ ɔ nɔ nə gwè mbɔ ẅʉʉnəmbikə kie ŋkwaaNyii tíŋ hə bɔ̌ŋ ɔŋ.

Jiso bə̀ŋhə tʉ ɔŋ mbɔ, “M̈ɔ kɛŋ shyíi a nə shʉəŋ mbɔ kaʼ bə gòʼ təmə bʉ̀nə bìʼ bí wo fɛ, ɔ mə nə kie yəŋkə mu Sɔ́ʼ-Nyii fɛ.”

Wotəmiyɔŋ ndə ɔ bɛ́ŋ ɔŋ, bə kʉʉ chʉ̀ə ŋkwɛ-ɛ bʉəbʉə fɛ, bɔŋ wotəmiyɔŋ ndə ɔ gòʼ təmə bɛ́ŋ ɔŋ fɛ, bə nɔʼ chʉ̀ə ŋkwɛ-ɛ bʉəbʉə, bʉʼka ɔ bɛ́ŋ mbʉ mbyu VaaNyii imɔʼ fɛ.

Nɔ bɛ luu-mbʉ-ŋkwɛ nɔ, mbɔ kɛʼɛ nɔʼ gwè kəwʉʉnəmbi, bʉəməsʉʉ bɔŋ kʉ̀ʉ bə njəŋkə tə chàa mbʉ kɛʼɛ bʉʼka nchiinə-bənu-hə-ʉə nɔ bɛ bʉəbʉə.

Yie-e nɔ kie ndə məkóʼ ghɔʼ, yie-ɔ kie ndə məshíʼ sê.

Bʉʼka wotəmiyɔŋ ndə ɔ tʉʼ fɔ̀ʼ bʉ̂ʼʉ nɔ bàa kɛʼɛ təmə kʉ̀ʉ ndə məgwè mbʉə mbʉ kɛʼɛ fɛ bʉʼka i mə kɛ̀ʼ nu-bʉəbʉə-bə-i.

Wotəmiyɔŋ ndə ɔ bɛ́ŋ mbʉ Vaa nɔʼ kie məchímbi təmə liʼ-i ghɔ fɛ, bɔŋ wotəmiyɔŋ ndə ɔ gòʼ təmə kə́ yʉ́ chu mbʉ Vaa fɛ kʉʉ nə kie məchímbi fɛ, bɔŋ tʉʉbʉə-Nyii bu káa kətʉ-ɔ.”

Haʼ ndə Mushi kə chɔ̀ʼhə yɔ kɔ́ ghɔʼ mu kwɔŋkəyəŋnə, bə nɔ kie ndə mə-yaʼ-chɔ̀ʼhə Vaa-Woməsʉʉ haʼ nɔ kɔ́ ghɔʼ ghɔ

Mbʉ Tie nɔ kʉ̀ʉ mbʉ Vaa-ɛ, nɔʼ kɔ́ fɔbə inchəŋ mu kəghɔ-ɔ.