Popularne wersety biblijne z Luqka 8

Udostępnij

A'pawi khoeq daeka a'klawq nakkhoeq teq a'cimcai khoeq mlungoeng Boipaw plau a'ya uk loeq a'mlunga saungi loeqteq a'sai louq klongoeng a'thaiq pawi a'thaiq khoeq khlaunga a'hau.

Hling a'moeiq khoeq hlupa a'klawq khoeq caungci teq Boipaw plauya yaw laq uk loeqkhaw hnuptoeng saukta duka a'thiqcaek khoeq mlung haq, somdaek won thaung haq poengi saw loeq somdaek khuwaw haqloeng a'pyaw khoeq mlung haqloeq a'kupa teq a'thaiq thaiq yaqkhoeq khlaung haqla a'hau haq.

Lung khlunga a'klawq nakkhoeq teq ta'la plau án ya uk laq kho wa mlungko oeqcaq oeng án doudaungi khoeq khlaung haqla a'hau haq. Seiloeqkhaw yaqhniq mlunga kopiyaq klongoeng ta'nakcaw noeng myumi uk loeqteq saukta duka a'kauk khoeqhaq soenglai patma haq án khom laq khoeq khinga yaq án myumi mlung haqkhoeq a'klok poeiqba.

Yaqkiyoeng Boi loeq nanghniq loeq nán myumi khoeq mlung baung a woe? taeng a'hiq haq. Ta'paiq haqkhaw pa'hayi uk loeqteq nei khlaung teq a'ni yoe? Khli loeq hloeng haqla a'maeng a'paek haqla yaqhniq loeq ánhnyinisa taeng poemak loeq poemak án soiyi nauk.

Lawma a'klawq nakkhoeq teq nei bong khlaung haqla a'hau haq. Ta'la plau yaqhniq loeq yaw laq uk loeqkhaw myumi uk loeqteq a'klawn laqi hlaq uk tawiq ya manaq loeq lo loeqteq yaqhniq mlung duka khoeq ta'la plau haq a'louqi poeiqba.

Sui pu loeq laqaq pu ong thuq pu loeq má tauk noeng nakkhoeq moeiq yaq. Hmotaq pu ong má kupneong nakkhoeq khaw moeiq yaq.

Yaq hna'taw khaw wini loeq laqcaq khoeq a'hmoti loeq pa'hai sa'dam a'hmaungkauma lo loeqteq a'mkhuklu khlawqi loeqteq Boiya a'hmlaem laq khoeq klong, a'mniq saksang a'klok khoeq klong haq khlaung haq hmaungkauma a'cauk paek haq. Boi loeqkhaw ka'cawhnu woe, nang loeq na'myumi klongoeng na'kailati ba hni. Mlungko yaedamoeng cit hne thaeng yaq hna'tawa a'hau.

Ta'paiq haqkhaw a'phaela thoeiq uk loeqteq Boi yoe Boi yoe, keihniq kán du laq hnai taeng án mkhak. Boi khaw tho loeqteq khli loeq hloeng haqla a'mcok hau haqlateq khli loeq hloeng khaw dip loeqteq a'oeqcaq phaba.