Popularne wersety biblijne z Luqka 3

Udostępnij

Thonga a'klawq mawoeng Yawhan loeq khlaung haq thaengthaenga tuiyoeng hneitsein a'paek haq kho wa Boiyesuq khaw hneitsein khaumi loeq suq a'tongi kiyoeng mehon pa'wang loeqteq Cimcai muikhlaw khoeq wakho caw khut Boiyesuq hona a'kom. Mehona khoeq thai khaw nang khoeq keiloeq ka'mkhaeki khoeq caw na'phlaet. Keiloeq nanga nana ka'mkhaeki plau a'lo.

Yaqkinga Yawhan loeq a'hau haq ba khoeq teq kei khoeq khlaung haqla tuiyoeng hneitsein ka'paek khoeq a'layi. Seiloeqkhaw kei thauka a'tat a'laen khoeq khlaung a'lo hni. Kei khoeq yaq khocumyoi ka'mphlut paekai khoeq pak toniya hang. Yaq loeq khlaung haqla cimcai muikhlawoeng khaw, mi yoeng khaw hneitsein a'mpaek haqlai.

Nanghniq loeq a'plaet haq kán tong poeiq hni nakkhoeq nanghniq biyoeng sauksi plaqoek. Nanghniqa nanghniq Abarahan myoesaw haq kán phlaet taeng hau wai tuk. Boipaw loeq nei lung haqkhoeq Abarahan myoesaw haqla a'sai haq noeng.

Towa khinga hai laengak loeq thing haqla a'yungpa ta'koeiq a'khluqai khoeq a'moeiq hni. Yaqklongoeng a'thaiq pawi thaiq yaqkhoeq thing haq a'khluq laqi loeqteq mipuma a'thoen a'laqi yai taeng a'hau.

Pa'rawphaeq Hesayaq klama yok loeq a'tauk khoeq teq tau duka khlaung poemak loeq hlaiq loeqteq mpoq loeq a'hau khoeq plau teq Boipaw a'lo dun laum klan boei. Boipaw laum mkhlunboei. Hng'longsok a'moeiq khoeqhaq hmluiq tuk loeqteq, tonglaen tonghyaung haqkhoeq nán hmyi laqai. A'kalaek khoeq lawm haqkhoeq mkhlun tuk loeqteq a'glai khoeq lawm haqkhaw amthoe boei tuk. Yaqkiyoeng Boipaw loeq a'klawnai klong khoeq khlaung haq awlum loeq a'nhmuq laqai taeng a'hau.