Popularne wersety biblijne z Alajiya 9

Udostępnij

Ili i na suru vu tsura̱i naa va yuwan, vu yuwain nu ucira wa̱ wu suru, adama a na babu ulinga, ko majiyan, ko urevu, ko ugbozu uba̱ta̱ wu nden ma̱ a̱kwa̱kwa̱ uba̱ta̱ u na va̱a̱ 'ya̱wa̱.

Me ene ta̱ ili i ro a̱tsuma̱ a wuma wu uvaɗi u nda, ashe, mantsa suru ɗa za na gurai ilaɗi lon, tsu lyuwa ala'anlai shi, mantsa suru ɗa za na ri nu ucira tsu lyuwa uvon shi, mantsa suru ɗa za vu ugbozu tsu tsura̱ ilyalya shi, mantsa suru ɗa za na ri nu urevu tsu oɓoloto utsuru shi, mantsa suru ɗa za na gurai a̱ yi ɗa u tsu tsura̱ icigi shi. Amma mantsa nu ulyuwu we elime i tsu cina ta̱ koyan a̱tsuma̱ e le.

Vu uwwa uyo'o u wuma wa̱ wu na̱ ka na vu ucigai, a̱tsuma̱ rana ve pere na A̱sula̱ a ca nuwu a̱tsuma̱ a wuma wu uvaɗi u nda suru, adama a na mawwa mo uyo'o u nda, a̱ yi ɗa goon iliyinkapa ya̱ wu yu ulinga u na vu yuwain a̱tsuma̱ o uvaɗi u nda.

Ka̱ra̱, vu yuwan mmalu ma̱ wu, vu uwwa uyo'o wi ilyalya ya̱ wu, vu sowo masayan ma ina̱bi ma̱ wu na̱ ma̱za̱nga̱. Adama a na ili ya̱ ndolo a̱ yi ɗa ifoɓi i na A̱sula̱ a yuwaan nuwu.

U la'a ta̱ a̱ tsura̱ ugbozu a na a̱ tsura̱ itana yu uvon, amma za vu unusu tsu lungusa̱ ta̱ ili yu ulobonu ya̱ a̱bunda̱.

U ta la'a na a uwwa adanshi e ben a za vu ugbozu, a na a uwwa yisali yi za tsugbain e memere mo olo.

Adama a na aza a na a̱ ri wuma e reve ta̱ na a̱ ta̱ kuwa̱, amma a za na a̱ kuwa̱i ɗe e reve ili i ro shi. A̱ ri na atsupu o ro waru shi, waru a̱ da̱shi cuwan ne le shi.