Popularne wersety biblijne z Matayo 5

Udostępnij

Kandi nta we ucana itara ngo aryubikeho icyibo, ahubwo arishyira ku gitereko cyaryo aho rimurikira abari mu nzu bose. Urumuri rwanyu niruboneshereze rutyo abantu kugira ngo barebe ibyiza mukora, bakurizeho gusingiza So uri mu ijuru.

Muri urumuri rw’isi. Ikigo cyubatse mu mpinga y’umusozi nticyihishira.

Hahirwa abakeye ku mutima, kuko bazabona Imana.

Hahirwa abasonzeye ubutungane bakabugirira inyota, kuko bazahozwa.

Jyeweho ndababwira ngo ’Nimukunde ababanga, musabire ababatoteza’.

«Hahirwa abakene ku mutima, kuko Ingoma y’ijuru ari iyabo.

Hahirwa abatera amahoro, kuko bazitwa abana b’Imana.

Hahirwa abiyoroshya, kuko bazatunga isi ho umurage.

Hahirwa abatotezwa bazira ubutungane, kuko Ingoma y’ijuru ari iyabo.

Hahirwa abagira impuhwe, kuko bazazigirirwa.

Murahirwa nibabatuka, bakabatoteza, bakanababeshyera ku buryo bwose, ari jye babahora. Nimwishime munezerwe, kuko ingororano yanyu izaba nyinshi mu ijuru! Ni uko batoteje abahanuzi bababanjirije.

Hahirwa abababaye, kuko bazahozwa.

Muri umunyu w’isi. Ariko se umunyu wakayutse, bawusubirishamo iki uburyohe? Nta kandi kamaro kawo kereka kujugunywa hanze, ugakandagirwa n’abantu.

Mwebweho rero, muzabe intungane nk’uko So wo mu ijuru ari intungane.

Mujye muvuga muti ’Yego’, niba ari yego, cyangwa ’Oya’, niba ari oya; ibigeretsweho bindi biba biturutse kuri Sekibi.

Mwumvise ko byavuzwe ngo ’Ijisho rihorerwe ijisho, iryinyo rihorerwe irindi ’. Jyeweho mbabwiye kudashyamirana n’umugiranabi; ahubwo nihagira ugukubita urushyi mu musaya w’iburyo, mutegeze n’uwundi.

Ijisho ryawe ry’iburyo nirikubera impamvu yo gukora icyaha, rinogore urijugunye kure yawe: ikigufitiye akamaro ni ukubura rumwe mu ngingo zawe, aho kubona umubiri wose utawe mu nyenga y’umuriro. Niba ikiganza cy’iburyo kigutera gukora icyaha, gice ukijugunye kure yawe: ikiruta ni uko wabura rumwe mu ngingo zawe, aho kubona umubiri wawe wose ugiye mu nyenga y’umuriro.