Popularne wersety biblijne z Ma-thi-ơ 24

Udostępnij

U đươm dôih ap ơk huôih, mơ chưt êch srlanh ơk bnih ri a kươi saap reet. Dôh 'bơơn jap chưt aan tơt ptut, nei a kươi kươt đoh.

Baak Sroong Klanh teq u nggoor Brah Ưn a kươi kươt chhuôr rlum teh jah lơh ndraanh aan bơl raih; bei au, baak ptut a kươi lôh.

Bơl 'bei a kươi ttang teq u talơh tapanh u lư baak teq u talơh tapanh. Phrui bơl 'bei njrang, khơơm rhơq rpơq! Đươm kaar au phrui lôh tơt, dôh ndah phrui laa ptut ơơm.

Đươm raih au a kươi kn'hao wal n'hai raih nday, daak ti ta wal daak tôw; nh'hit pngot, rlơm teh a kươi lôh tơt a ơk ktôk. Leq sêch pal ntil au dơơn laa ptơơm baak ji êch dơơh deh.

Teh trôôk a kươi han rlach, dôh baak Hei lah a kươi 'bưn khal êch han rlach laang.”

Đươm geh ơk bơl a kươi lhiat lah saak Hei lôh baah mor laah: ‘Hei laa Yaang Krist’ u a kươi kơhok lhiat ơk bnih nha.

Tơt nei, bu nday a kươi ndơơp bơl 'bei, lơh bơl 'bei dol r'baak u lưm chhưt bơl 'bei; bơl 'bei a kươi dol jôm raih bal a kiêr đươm saak Hei. Bei au, ơk bnih a kươi a kơq, ta ndun tơrnang nơơm, kiêr tơrnang nơơm. Ơk bơl grnưt noor lhiat a kươi lôh sot u kơhok lhiat ơk bnih.

Brah Jê-sus ơh: “Phrui nhjrang, khơơm teq 'bơơn kơhok lhiat bơl 'bei.

Bei nei, bơl 'bei kot phrui riêp srap, đươm Koon Bnih lôh knông bêl bơl 'bei 'bưn nggưl.

Bei nei, phrui kah rngeh, đươm bơl 'bei 'bưn gưt nar êch Brah bơn a kươi lôh.

“Nha teq u nar u bêl nei 'bưn geh 'bơơn gưt kươt, leq bơl lênh brah lơ trôôk paich laa Koon kot bei nei, dơơn di mbu Bươp ei gưt.

Đươm bơl lhiat saak Yaang Krist u bơl grnưt noor lhiat a kươi lôh sot; u bơl bu lơh ơk chmlih chmleek, r'bon r'bian ttih jah kơhok lhiat; u mơq awap kươt, bơl nei kơhok lhiat leq bơl bnih kươt sach.

Bei knông klap Nô-ê bei êch nei klap Koon Bnih lôh kot bei nei. Knông pal nar di mat daak loh, bơl bu sôông, sa, ruôt, kliêr, aan tơt nar Nô-ê mưt u sbau; bu 'bưn gưt ơơn leq aan tơt jơl daak loh lôh u a truôi leq sêch. Tơt Koon Bnih lôh a kươi kot bei nei.