Popularne wersety biblijne z Juan 9

Udostępnij

Laggun to allow pa, ko‑ilangan nod puungan ta iddos id sanna taddot id popiyod koddi, su otid kovulli ron, worad od pokopuung.

Oyyos laggun to ka‑ay a pa, siyak kos ko‑owangan nod taddow to mgo minuvu ka‑ay to ampow't ingod.”

Na mid intud ki Disas iddos mgo tinodduwan din, kahi ran to, “Tohodnonaw, ondoy man kos nokosaa no id tobbow sikandin no butud? Sikandin bo o iddos amoy woy inoy rin?” Mid tavak si Disas to, “Id tobbow sikandin no butud, konna pomon to kandin no saa o pomon to saa to amoy woy inoy rin, ko konna, amoy od kokita iddos kotuusan to Monama riyot kandin no umuu.

Kahin Disas to, “Iyon unayan no mid undini a to ampow't ingod amoy od hukum ko ondoy kos nokokilaa to Monama woy dos wora. Su iddos waa nokokilaa kandin, noko‑iling sikandan to mgo butud to kovonnaan woy od bowiyan ku sikandan amoy'd pokokita. Piru iddos od po‑uvag‑uvag no nokokilaa to Monama, id pokita ku no sikandan, mgo butud poron.”