Popularne wersety biblijne z Matay 19

Udostępnij

i Yēsu tremeketrek mena'u kanazu, marengay: <<na trau maw 'azi maruwa, mawmu kana Viruwa i itras, maruwa za eman ziyan.>>

nu maw kemani mu, na mare'azin amelri lra zazuwa na trau, mawna sazazekan lra. semeneng, na pinarepa'uwa na Viruwa i itras mu, na trau 'azi parewadaday.>>

temuvang i Yēsu: <<'azi mu ziyan miip kanini na Sēsiyo ziyamaw? <a melrivak, na parevuwa' i Luzu demaway za ma'inayan zi demaway ziya za vavayan.> marengay na Viruwa i itras: <mawna kemani, na trau kiruwaaday kana ma'izangan, mukasa kana 'azin na vavayan, na zazuwa mutu sazazekan.>

mawmu marengay i Yēsu: <<pazuwayu na lralrak kaninku i kani, amanan na tala'aw nazu, 'alrana zinekalranan kana kanatal i itras mu penauwa maw na kamawan kanazu kemani na trau.>>

mawmu, ulra kazuwan na kazu i ngawayan mu, uri kaazu i likuzan; na kazu i likuzan mu, uri kaazu i ngawayan.>>

nu i eman lra, muramawan kaninku zi meretra' lra kanantu ruma', wadadiyan, ma'izangan, lralrak, zi 'uma mu, kiyaveray za pinakasaleman za ipuvales mapiya, pawnung kiyaveray kana uwavaawan munayun.

marengay i Yēsu: <<nu marager u za maramutulre'ay penauwa mu, uwa trima'an nannu piniemanan ziya, verayan na paisu kana kalramalraman na trau, zi kaulra nannu inepetr na piniemanan i itras; kemazu zi alamu kurelrang kaninku.>>

temuvang i Yēsu: <<kemuda zi kiyumalr u kaninku kana kireeman za <'inavayan> na lremak awa? mawmu a sasa na 'inavayan. nu maranger u kiveray kana uwavaawan munayun, zi ika'azi miturus kana kuret.>>

masalra ku marengay kanmu, na mipaisuwan na trau nu utu zinekalranan kana kanatal na Viruwa i itras mu, marakakuwalengan kana rakuda za mulisek kana vuwang na daum!>>

marengaya ku kanmu, nu amelri maw 'azi patezelr na 'azin na vavayan mu, nu i eman lra nu meretra' 'ematelr kana 'azin na vavayan, zi masalr mukuwa mi'azina kana zuma na vavayan mu, mawna pamelri semiya' lra.>>

kemazu zi, marengay i Yēsu kanantu temakesi: <<penatezelra ku marengay kanmu, na mipaisuwan na trau mutu zinekalranan kana kanatal i itras kemudakuda kana kakuwalengan a!