Popularne wersety biblijne z حوارئلرئن ائشلری 1

Udostępnij

آمّا موقدّس روح اوستوزه گلندن سورا قووّت آلاجاقسیز و اورشلئمده، بوتون یهودئیه و سامئره‌ده، حتّا دونیانین لاپ اوزاق یرلرئنه قدر منئم شاهئدئم اولاجاقسیز.»

عئسا اولارا ددی: «سئزئن ائشئز دیئل کی، آتانین اؤز ائقتئداری ائنن موعیّن اله‌دئیی زامان و یا واختلاری بئله‌سئز.

و اولاری بئر یره ییغیب اولارا امر اله‌دی کی، اورشلئمدن آیریلماسینلار، آمّا ددی: «آتانین او وعده‌سئنی کی، مندن اِشئدئبسئز، گؤزله‌یئن. چونکی یحیا سو ائنن تعمئد وردی، آمّا سئز بئر نچه گونه قدر تارینین موقدّس روحی ائنن تعمئد اولوناجاقسیز.»

کی، عذابلارینی چکندن سورا دا اؤزونی اولارا بئر چوخ ائناندیران دلئل‌لر ‎ائنن گؤرستدی و قیرخ گون عرضئنده اولارا گؤرونوب، تارینین پادشاهلیغی باره‌ده دانیشدی.

عئسا بو سؤزلری دئیندن سورا، اولارین گؤزلری قاباغیندا یوخاری قالخیزیلدی و بئر بولود اونی اولارین نظرئندن آییردی.

عئسانین گؤیه قالخدیغی واخت کی، اولار گؤزلرئنی دئقّت ائنن گؤیه دئکمئشدئلر، قفلتن آغ پالتار گیمئش ائکی کئشی اولارین یانیندا دوردی. اولارا ددئلر: «ای جلئللی‌لر! نه اوچون دوروب گؤیه باخیرسیز؟ بو عئسا کی، سئزدن آلینیب گؤیه آپاریلدی، اله ده قاییداجاق؛ نجه کی، اونون گؤیه گتدئیئنی گؤردوز.»